TIRANË- 'Gjenerata e re e do ushtrinë, kërkon të njohë sa më shumë se si mund të mbrojë vendin e tij'! Ky fakt merr më shumë vlerë në një kohë kur sot bota është e trazuar dhe po sheh çdo ditë pasojat e luftës në Ukrainë nga Rusia.
Për të konfirmuar këtë deklaratë të bërë në Report Tv gjeneral Albert Mullai sjell shifrat. Në emisionin ‘Studio Live’ me gazetarin Arbër Hitaj, gjenerali tha se ka pasur 986 aplikantë për 60 vende të lira në Akademinë Ushtarake.
“Do përgatisim ushtarak si në Amerikë, përgatitja fizike, e karakterit edukimi ushtarak dhe shkencor. Sistemi ynë nga 3-vjeçar do kalojë 4-vjeçar, do përgatisim lider për të ardhmen e vendit, në krye të katër viteve çdo ushtarak do jetë sportist elitar në një sport që ai do e zgjedhë vetë, mbrojta në 2 të huaja, dhe bashkëpunimi me jashtë është shumë intensiv, me bursa të NATO. 986 aplikantë për 60 vende, interesi është shumë i shtuar dhe vë re që prurjet e reja, viti i parë dhe i dytë janë shumë të të motivuar nga sa ne e prisnim, gjenerata e re e do ushtrinë, do të njohë si mund ta mbrojë vendin. Dhe janë njerëz të mirë arsimuar dhe të dëshiruar për të qenë lider në të ardhmen”, tha Mullai në Report Tv.
Për t’i kundërpërgjijur këtij interesi të shtuar, por edhe për të afruar sa më shumë të rinjtë dhe jo vetëm në Ushtri, së fundmi është marrë edhe vendimi i qeverisë për rritje të pagës në masën 30% nga 1 korriku, mirëpo gjenerali tha se kjo nuk është e vetmja masë. Ai shtoi se për ushtarakët ka edhe mbështetje të tjera ekonimike.
“Rritja e pagës përfshinë edhe ushtarakët që janë jashtë. Kategoritë janë çdo individ që shërben në forcat e armatosura, 30% e vlerës që marrin mbi pagë, pastaj ka dhe pagesa për vështirësitë që përballojnë detyra specifike dhe ka masa shtesë financiare.
Do të ketë edhe kredi të buta, për ata që janë ushtarakë që sapo krijojnë familje, për ato që janë të dy bashkë në Forcat e Armatosura, ushtarakët shërbejnë edhe larg familjes, prandaj është e rëndësishme mbështetja financiare.
Ka dhe masa të tjera, kjo është masa e prekshme, por ka kohë që ka institucionalizuar një sërë masash rregullimi i uniformave, përmirësimi i transportit, përmirësimi i kushteve brenda reparteve, standardi i armatimit, teknikës dhe sjellja e individëve me uniformë”, tha ai.
Gjenerali zbuloi edhe shtetet në të cilat Shqipëria aktualisht po kryen misione.
“Marrim pjesë politikisht dhe koordinator në të gjitha vendet anëtare të NATO-së, ndërkohë kemi trupa në Kosovë, Letoni, po planifikohet dërgimi në Bullgari, kemi në Bosnje dhe kemi pasur në Afganistan”, u shpreh gjenerali.
Së fundmi, ai u ka bërë thirrje të gjithëve atyre që duan të bëhen pjesë e Ushtrisë, të nxitojnë pasi rekrutimet kanë nisur dhe përfundojnë në gusht.
“Rekrutimi për ushtarak profesionist ka nisur dhe përfundon në mes të gushtit. Kemi pranuar edhe pa shkollë të mesme dhe pranohen të gjithë shtetasit shqiptar që janë nën 27 vjeç”, përfundoi gjenerali në Report Tv.
Lajmi në web u përgatit nga gazetarja e Shqiptarja.com, Brunilda Kazani
Komente
Lajme të tjera
-
Agjencia e Mbrojtjes Civile bëhet me ‘shtëpi të re’ në 5-vjetorin e saj! Vengu: Kapacitet kombëtar, do e shtrijmë në të gjithë territorin (VIDEO)
10 Dhjetor, 17:34 -
Paralajmëron kreu i Forcave të Armatosura të Mbretërisë së Bashkuar: Bota është në prag të epokës së tretë bërthamore
5 Dhjetor, 20:53 -
112-vjetori i Forcave të Armatosura/ Ministri i Mbrojtjes: Po përballemi me kërcënime të reja! Rajoni po ndjen presione nga faktorë keqdashës
4 Dhjetor, 16:10 -
2100 rezervistë deri në 2030-ën, Vëngu: Të rekrutuarit nuk humbasin vendet e punës, kostoja mujore 1 mijë euro për rezervist
2 Dhjetor, 17:07
-
Hapen aplikimet për Forcat e Armatosura, ja cilat janë kërkesat e nevojshme që duhen përmbushur nga çdo rekrutues
2 Dhjetor, 15:24 -
Nisja e kontingjentit EOD drejt Letonisë, Vengu: Jeni mburoja dhe forca e të gjithëve
26 Nëntor, 16:05 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Bruksel/ Shqipëria dhe BE miratojnë Partneritetin e Sigurisë dhe Mbrojtjes! MEPJ: I hap rrugën rritjes së bashkëpunimit në fusha kyçe
19 Nëntor, 22:40 -
‘Urban Operation 24’, Toga e Këmbësorisë mbyll me sukses stërvitjen në Bullgari, Vengu: Dëshmi e investimit në ushtri, angazhim për paqe dhe stabilitet bashkë me NATO-n (VIDEO)
17 Nëntor, 16:04 -
Stërvitja 'SAR RESPONSE 2024', Ministria e Mbrojtjes: Përgjigjje efektive ndaj çdo emergjence duke siguruar mbrojtjen e jetës
15 Nëntor, 10:36 -
Projektligji i Qeverisë, rreth 2100 ish-ushtarakë dhe civilë, me mundësinë për t’u bërë rezervistë! Drafti në Kuvend, kostoja 1,5 mld lekë (DOKUMENTI)
6 Nëntor, 22:35 -
Do krijohet Forca Rezerviste! Zbulohet vendimi i Qeverisë: Shërbim ushtarak deri në 45 ditë në vit! Pranohen dhe ato me dy shtetësi
30 Tetor, 19:43
Bravo qe trajtoni edhe tema te tilla me interes per ne qe sna pelqen politika. Une jam ish ushtarak dhe ju ndjek gjithmone ne kete ore se na ofroni intervista te kendshme. Respekte per ushtrine.
PërgjigjuBrezit te ri as ja ndjen qe te behet mish per top per pes leke nderkohe qe eproret abuzojne ne menyre cnjerezore dhe pa ju dridhur qerpiku. Shihet edhe tek policia qe dekonspiron operacio et dhe dali ushtaret si qypa u iken gjithnje karremi.