POP 5

Lajmet më të lexuara të 5 minutave të fundit

Robertson: NATO, gati që të çarmatosë UÇK

NATO është gati që të çarmatosë luftëtarët shqiptarë të Maqedonisë. Ky është thelbi i prononcimit të Lordit George Robertson në mbledhjen e djeshme me Ministrat e Mbr-ojtjes së vendeve anëtare të NATO-s. Lajmi është dhënë dje, nga Agjencia MIA.
SHKUP (6/8/2001) NATO është gati që të çarmatosë luftëtarët shqiptarë të Maqedonisë. Ky është thelbi i prononcimit të Lordit George Robertson në mbledhjen e djeshme me Ministrat e Mbr-ojtjes së vendeve anëtare të NATO-s. Lajmi është dhënë dje, nga Agjencia MIA. "Ne i kemi ofruar qeverisë së Shkupit, se nëse kjo e fundit do të dëshironte atëhere NATO mund të merrte rolin e çarmatimit, si në rastin e Serbisë Jugore dhe ne do t'i përgjigjemi kësaj ideje", ka thënë Robertson. Ndërkohë, dje është deklaruar nga Hysamedin Halili marrja e Vaksincës nga ana e forcave të UÇK-së. Maqedonasit, djegin dyqanet Turma të irrituara sllavësh maqedonas sulmuan dy ditë më parë prona të qytetarëve shqiptarëve në qytetin e Manastirit, me sa duket në shenjë hakmarrjeje për vrasjen e ushtarëve të kësaj zone nga ana e luftëtarëve të UÇK-së, njoftuan dëshmitarë të ndryshëm. Dëshmitarët shtuan se grupet e maqedonasve kishin sulmuar dhe i kishin vënë flakën edhe shtëpisë së zëvendësministrit të Shëndetësisë të Maqedonisë, Muharrem Nexhipi, përfaqësues i qytetarëve shqiptarëve. Kjo ka bërë që të shtyhet afati i shtetrrethimit në qytetin e Manstirit nga ana e Ministrit të Brëndshëm maqedonas. Zbulohet personi, që qëlloi Presidencën Ministria e Punëve të Brendshme të Maqedonisë, pas masave të ndërmarra, zbuloi personin, i cili qëlloi me armë zjarri kundër ndërtesës së Kuvendit të Republikës së Maqedonisë dhe arrestoi D.N. (45 vjeç) nga Shkupi. "D.N. nga revolta për vrasjen e pesë pjesëtarëve të Armatës së Republikës së Maqedonisë, duke udhëtuar në Bulevardin "11 Tetori" me veturë të markës "opel-korsa" me targa bullgare, me revole të markës "makarov" me kalibër 9 mm qëlloi dy herë mbi ndërtesën e Kuvendit dhe pas 15 minutash qëlloi përsëri dy herë në drejtim të objekteve të Akademisë së Shkencave dhe Arteve të Maqedonisë- (ASHAM) dhe Pallatit të Drejtësisë. Më pas ai e la veturën në rrugën "Trifun Haxhi Janev", ndërsa revolen ia dha për ta fshehur mikut të tij A.P. (25 vjeç)", thuhet në njoftimin e Ministrisë së Punëve të Brëndëshme të Maqedonise. Shqipëria kundërshton "Shprehim dënimin e fuqishëm për aktet vandale të grupeve ekstremiste maqedonase në qytetin e Manastirit, të cilët dogjën dhe shkatërruan 110 shtëpi e dyqane të pronarëve shqiptarë dhe i vunë flakën dy xhamive", deklaroi dje, zëdhënësi i Qeverisë së Shqipërisë. "Eshtë hera e pestë brenda pesë javësh që pronat dhe jeta e banorëve shqiptarë në Manastir bëhen objekt i sulmeve vandale, aq më tepër që këto të mesjavës ndodhën në një kohë kur në qytet ishte e vendosur gjendja e shtetrrethimit", u shpreh zëdhënësi.

//Shqiptarja.com
  • Sondazhi i ditës:
    6 Nëntor, 09:49

    Fiton Trump, mendoni se do ndryshojë politika amerikane ndaj Shqipërisë?

Lajme të tjera



×

Lajmi i fundit

VIDEO/ Tifozët izraelitë të Maccabit sulmohen në Amsterdam, 10 të plagosur dhe 3 të zhdukur! Netanyahu dërgon ekipin e shpëtimit me 2 avionë

8 Nëntor, 09:20