POP 5

Lajmet më të lexuara të 5 minutave të fundit

Shtesa e Bashkisë 7.5 milionë lekë

Kërkohen përsëri para për shtesën e re të Bashkisë. Nga të ardhurat e institucionit u morën rreth 90 milionë lekë të reja për zgjerimin e ambienteve të Bashkisë, por kjo shumë nuk ka mjaftuar për përfundimin e punimeve.
(22/12/2001)TIRANE Kërkohen përsëri para për shtesën e re të Bashkisë. Nga të ardhurat e institucionit u morën rreth 90 milionë lekë të reja për zgjerimin e ambienteve të Bashkisë, por kjo shumë nuk ka mjaftuar për përfundimin e punimeve. Në mbledhjen e djeshme të Këshillit Bashkiak nga Bashkia u kërkuan edhe 7.5 milionë lekë të reja për të kryer punime të paparashikueshme, të cilat nuk ishin përfshirë në projektin e parë. Në projekt-vendimin e paraqitur shënohej se: Në projektin e bërë nuk parashikohej asnjë studim për ngrohjen e kondicionimin e godinës së re. Për këtë janë kërkuar edhe 7.5 milionë për hapjen e kanaleve grillave e punimeve të tjera parapërgatitore, ndërsa blerjen e paisjeve për ngrohjen e kondicionimin do i përfshijnë në një fazë tjetër. Po në këtë projekt-vendim, të firmosur nga drejtuesit më të lartë të Bashkisë, shënohet rreth firmës që do të kryejë punimet. Sipas tyre meqë firma "Gjikuria" ka fituar tenderin për ndërtimin e shtesës së Bashkisë, i jepet e drejta të kryejë edhe punimet shtesë, duke mos zhvilluar as tender. Ky projekt-vendim ka sjellë pakënaqësi dhe debate ndër anëtarët e Këshillit Bashkiak. Sipas Agim Zekës, dhënia e parave kësaj firme është një lloj prokurimi i drejtëpërdrejtë, pasi sasia e parave për hapjen e kanaleve dhe punimeve të tjera është e konsiderueshme. Po kështu debate ka pasur edhe rreth mosparashikimit të këtyre punimeve në fazën e parë, si dhe për kërkimin e parave nga xhepi i taksapaguesve, disa faza rradhazi. "Si ka mundësi që në të njëjtën kohë kur Këshilli Teknik dhe KRRT-ja nuk japin leje ndërtimi nëse nuk është parashikuar ngrohja qëndrore, në projektin e vet Bashkisë, të harrohet ngrohja e kondicionimi" - tha këshilltari Zeka në mbledhjen e Këshillit Bashkiak duke deklaruar se ai është kundra këtij vendimi. Gjatë votimit të këtij projekt-vendimi, edhe komisioni ekonomik, madje edhe këshilltarë të zgjedhur nga PS-ja votuan kundra, e si pasojë projekti nuk mori 28 vota siç është parashikuar me ligj. Një tjetër vendim i Këshillit Bashkiak ka qenë edhe për largimin e pllakave përkujtimore të qytetarëve të vrarë apo aksidentuar rrugëve të Tiranës. Bashkia i bën apel të gjithë familjeve të largojnë nga trotuaret e rrugët lapidarët e vegjël, pasi këto të fundit pengojnë rikonstruksionin e rrugëve. Në këtë mbledhje kanë qenë të pranishëm edhe përfaqësuesit e OSBE-së, të cilët ndjekin vazhdimisht mbledhjet e Këshillit. Po kështu janë dhënë ndihma për disa familje në emergjencë si dhe pensione të posaçëme. Kjo është mbledhja e fundit e Këshillit Bashkiak.

//Shqiptarja.com
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

5 Nëntor, 11:15 nga Ergys Kavaja