POP 5

Lajmet më të lexuara të 5 minutave të fundit

Kronikë

A ndikojnë temperaturat e larta tek të vaksinuarit? Specialistja e ISHP këshilla qytetarëve: Hidratohuni mirë dhe mbrohuni nga dielli

Vendi ynë është përfshirë nga i nxehti afrikan, që ka sjellë në vend temperatura mjaft të larta, por fatmirësisht kjo nuk ndikon në shëndetin e personave që po marrin vaksinat kundër COVID.

Vendi ynë është përfshirë nga i nxehti afrikan, që ka sjellë në vend temperatura mjaft të larta, por fatmirësisht kjo nuk ndikon në shëndetin e personave që po marrin vaksinat kundër COVID.

Kjo u bë me dije nga Specialistja e ISHP, Iria Preza, e cila, në një intervistë për gazetaren e Report TV, Doris Sallaku, tha se stina  e nxehtë nuk ka lidhje me vaksinimin. Megjithatë ajo pati disa këshilla për qytetarët, duke i rekomanduar që të hidratohen mirë si dhe të mbrohen nga dielli.  

"Stina e nxehtë nuk ka lidhje me vaksinimin, por njerëzit duhet të kenë parasysh që duke qenë se është vapë, të hidratohen mirë, të mbrohen nga dielli, të vendosin kapele apo të mbajnë çadër kur lëvizin, të kenë parasysh kur bëjnë vaksinë në të ndjekin të gjitha këshillat që i jepen", tha ajo.

Ndërsa u ndal te procesi i vaksinimit në vend, Preza tha se ai po ecën me ritme mjaft të mira, duke shtuar se në total janë mbi 370 mijë qytetarë që kanë marrë të dyja dozat dhe mbi 890 mijë që kanë marrë një dozë.

"Aktualisht janë mbi 370 mijë qytetarë që kanë marrë të dyja dozat e vaksinës, ndërkohë që mbi 890 mijë janë pajisur me një dozë dhe ne e kemi ulim tashmë fashën për të gjithë qytetarët 50 vjeç e sipër. Vaksina kemi dhe janë shpërndarë në të gjithë vendin. Janë mbi 1 milion vaksina që kanë ardhur në vendin tonë, procesi po ecën me ritme të mira, kemi angazhim maksimal dhe po vijon puna për vaksinimi e të gjithë popullatës", u shpreh specialistja e ISHP.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54