Abazoviç: Në Mal të Zi disa kanë krijuar narrativen se 'shqiptari s’di të vendosë për vendin'

Dritan Abazoviç nga foltorja e Kuvendit ku po votohet për shkarkimin e tij deklaroi se disa persona kanë krijuar një atmosferë ku mendohet se një shqiptar nuk di të vendosë për Malin e Zi.

“Ka njerëz që pas 30 gushtit të vitit 2020 nuk mund të lidhen më me sistemin shtetëror. Ata ftohen që vazhdimisht të bëjnë diçka, të shkaktojnë urrejtje fetare dhe kombëtare”. Këta njerëz krijojnë një atmosferë se kinse shqiptari nuk di të vendosë për ne për vendin tonë”, tha Abazoviç.

LEXO EDHE:
Atleti Franko Burraj dominon në Malin e Zi, dy vende të para në 100 dhe 400 metra

“Ky është rrëfimi, u shtyp butoni dhe e gjithë ushtria e tyre drejtohet te unë dhe Qeveria ime”, shtoi ai.

Më tej Abazoviç tha se është i gatshëm të zbulojë “të gjitha gjërat që fshihen nën qilim”.

“Po zhvillohet një aksion i organizuar për destabilizimin e shtetit. DPS po e shtyn Malin e Zi në probleme të mëdha me këtë politikë. Nuk e di nëse presidenti i DPS-së merr më shumë vendime në emrin tuaj apo është i shantazhuar. Mos mendoni se nëse nesër ndodhin gjëra në rrugë, nëse derdhet gjak, nuk jeni përgjegjës për këtë. Po ju paralajmëroj nga kjo foltore. Unë e ftoj SDT-në të kontrollojë këto pretendime. Këta janë njerëzit që po e shtyjnë Malin e Zi drejt destabilizimit. Ju po e shtyni Malin e Zi në krahët e botës serbe, duke rrënuar shoqërinë civile”, u shpreh ai.

Lajmi kryesor:

Kuvendi i Malit të Zi voton sot për rrëzimin e Qeverisë, Abazoviçi ofron ristrukturimin e saj! 9 deputetë nënshkruajnë iniciativën

D.GJ/Shqiptarja.com

TAG:
• mali i zi
• Dritan Abazovic
• milo gjukanovic
• marreveshja me kishen ortodokse serbe