TIRANE- Ish-drejtori i Përgjithshëm i Njësisë së Mbikqyrjes së Lojërave të Fatit, Bensik Çobaj është marrë i pandehur së bashku me ish-vartësin e tij Nikolin Gjeka. Mbi këtë të fundit dhe Çobaj, njësia hetimore Task-Forcë ka ngritur akuzën e “Shpërdorimit të detyrës” dhe “Falsifikim të dokumentave”, pasi si pasojë e mosveprimit për kontrollin e pikave të lojërave të fatit i kanë shkaktuar një dëm financiar buxhetit të shtetit që përllogaritet deri në 256 milion lekë të reja.

Mësohet se hetimet për Çobaj janë zhvilluar në mungesë, pasi prej disa kohësh Bensik Çobaj është në kërkim policor.