Abuzimi seksual i 16-vjeçares nga profesori dhe efektivi i policisë/ Kosova mban seancë të jashtëzakonshme

Kuvendi i Kosoves

Kryesia e Kuvendit ka vendosur që sot të mbahet seancë e jashtëzakonshme për 16-vjeçaren nga Drenasi, e cila është abuzuar seksualisht nga profesori i saj edhe më pas nga një polic. Seanca do të nisë prej orës 12:00 dhe  do të mbahet me kërkesë të partive LDK, Vetëvendosja dhe Alternativa. Rasti i rëndë i 16-vjecares nga Drenasi u raportua dy ditë më parë nga mediat kosovare.

E mitura i ishte drejtuar përpara dy viteve Policisë së Drenasit për të denoncuar profesorin e saj për abuzim seksual dhe rastin në fjalë e mori përsipër asokohe zëvendës-shefi i hetimeve Vesel Veseli (50  vjec). Duke shfrytëzuar situatën, ky i fundit abuzoi po ashtu me të. Pas marrjes së deklaratës së saj, fotografimit dhe ekspertizës mjekoligjore, nën kërcënim dhe shantazh polici e ka detyruar të bëjë seks me të. Por historia bëhet edhe më e rëndë, pasi Veseli e ka lënë shtatzënë dhe i ka kërkuar të abortojë.  

Por ironi përbën fakti se në kohën e mitura shfrytëzohej si skllave seksi nga zëvendës-shefi i hetimeve në Drenas, ky i fundit mori mirënjohje nga eprorët e tij për punë të mirë.

Rasti në fjalë ka shkaktuar reagime të shumta të figurave shtetërore, të cilat priten të reflektohen edhe sot.

a.s./Shqiptarja.com
  • Sondazhi i ditës:

    A i ka përmbushur pritshmëritë Reforma në drejtësi?

Komento


×

Lajmi i fundit

John

Covid, ulet numri i vdekjeve në Francë, regjistrohen 92 viktima në 24 orët e fundit