Një juri në Nju York shpalli fajtor për abuzim seksual ish presidentin Donald Trump, lidhur me denoncimin e ish gazetares E Jean Carroll. Sipas vendimit të gjykatës, Trump duhet t’i paguajë 5 milionë dollarë shpërblim znj. Carrol, për agresion seksual dhe shpifje në një postim të tetorit 2022 në Truth social, ku ai i quajti akuzat e saj një "punë mashtruese".
Kjo është hera e parë që një president amerikan shpallet fajtor për sulme seksuale. Gjithsesi juria nuk e gjeti Trump fajtor për akuzën e përdhunimit të ngritur nga Carrol, ndodhur sipas saj në vitin 1996 në një qendër tregtare në Nju Jork.
Përmes një deklaratë një zëdhënës i ish-presidentit tha se e gjitha ‘ishte farsë dhe gjueti shtrigash kundër Trump’ nga demokratët, pasi ai është kandidat kryesor për të garuar dhe rizgjedhur president i SHBA.
“Abuzimi i vazhdueshëm i Kushtetutës sonë të madhe për qëllime politike është i neveritshëm dhe nuk mund të tolerohet. Kombi ynë është në telashe serioze kur pretendimet që nuk kanë prova apo dëshmitarët okularë mund të pushtojnë gjykatat tona për të fituar pikë politike,", thuhet në deklaratë. Ekipi i Trump ka thënë se do të apelojë vendimin.
Në një reagim të tij në rrjetet sociale pas vendimit, ish-presidenti Trump thotë se as nuk e ka idenë se kush është ajo grua.
"Unë nuk e kam idenë absolutisht se kush është kjo grua! Ky verdikt është një turp-vazhdimi i gjuetisë më të madhe të shtrigave të të gjitha kohërave'- tha ish-presidenti.
Trump, i cili nuk ka marrë pjesë në gjyq, ka këmbëngulur në deklarata publike dhe në deponimin e tij se Caroll i bëri pretendimet për të rritur shitjet e një libri me kujtime të vitit 2019. Carroll, 79 vjeçe, e cila kërkoi dëmshpërblim dhe ndëshkim, dëshmoi për më shumë se dy ditë në gjyqin që po futet në javën e tretë. Ajo tha se në pranverën e vitit 1996 zoti Trump i cili po hynte në një dyqan nga i cili ajo po dilte dhe i kërkoi asaj që ta ndihmonte atë për të blerë një dhuratë për një grua.
Carroll tha se ata shkuan në katin e gjashtë të dyqanit ku në një dhomë zhveshjeje me Trump flirtimet mes tyre u kthyen në dhunë, ndërsa zoti Trump e vuri atë pas murit dhe e përdhunoi. Ajo tha se e goditi atë me gjunjë pas ndodhisë disa minutashe dhe u largua nga dyqani. Ndërsa avokati Trump Joe Tascopna në argumentet e tij përmbyllës tha se pretendimet e Carroll janë "fiksion".
Lajme të tjera
-
SHBA i kërkon Europës t'i japë fund varësisë energjetike nga Rusia
18 Dhjetor, 19:41 -
Ylli Pata: Arsyet pse SHBA i rikujtoi Sali Berishës sanksionet
18 Dhjetor, 18:58
-
SHBA sanksionojnë individë dhe kompani që mbështesin Milorad Dodikun
18 Dhjetor, 17:29 -
Zelensky: Nuk kemi forca për të rimarrë Krimenë dhe Donbasin! Rusia: Të hapur ndaj propozimeve nga i dërguari i Trump
18 Dhjetor, 17:12 -
EKSKLUZIVE/ Qeveria në lëvizje për të ndihmuar këngëtaren Parashqevi Simaku! Balla kontakte me Konsullatën në Nju Jork për t'i siguruar pasaportë
18 Dhjetor, 14:33
-
VIDEOLAJM/ Donald Trump ndryshon modelin e flokëve
18 Dhjetor, 12:37 -
Non grata nga SHBA/ Maqedonia e Veriut kërkon arrestimin e Artan Grubit, shpallet në kërkim ndërkombëtar
18 Dhjetor, 11:12 -
Veto Surroi: Dhjetori i demokracisë dhe një shenjë normaliteti
18 Dhjetor, 09:52
-
Nju Jork/ Guri-tabelë i gdhendur i Dhjetë Urdhërimeve del në ankand, është 1500 vite i vjetër! (VIDEO)
18 Dhjetor, 09:46 -
VIDEOLAJM/ Parashqevi Simaku shfaqet me një pamje të re
18 Dhjetor, 09:32 -
New Yorku qyteti më i pasur në botë, arsyet që e bëjnë metropolin financiar të globit
18 Dhjetor, 08:28 -
‘Ajo do djalin’, Elton Ilirjani për Parashqevi Simakun: Kam frikë mos do të na ikë, i biri s’do ta takojë
17 Dhjetor, 20:51
