Adem Metkolës iu sekuestruan prona e llogari bankare, në zgjedhjet e 2023 kandidoi për anëtar Këshilli Bashkiak në Kamëz si përfaqësues i Mediut

Shqiptarja.com mëson se prokuroria e Tiranës ka vendosur në sekuestro preventive pronat e Adem Metkolës, i cili në zgjedhjet e 14 majit të 2023 kandidoi për anëtar të këshillit bashkiak në Kamëz nën siglën e Partisë Republikane.

Prokuroria e Tiranës dyshon se kemi të bëjmë me një pastrim parash të ardhura nga Anglia.

Për gati 5 vite në llogaritë bankare të tij dhe të bashkëshortes në bankat e nivelit të dytë në Republikën e Shqipërisë për periudhat 2007-2008, 2015-2016 dhe 2020-2023, kanë mbërritur disa transferta në vlera të konsiderueshme. Dërgesat janë bërë nga shteti anglez dhe dërgues kanë qenë shtetas të huaj, ku midis tyre dhe përfituesve nuk provohet.

Në formularin e vetëdeklarimit ai ka deklaruar se nuk ka pasur masë dëbimi nga asnjë shtet, ndërkohë prokuroria verifikon se ai ka qenë i kthyer deportiv në vitin 2007 dhe këto para nuk i ka qarkulluar më parë në sistemin bankar, pavarësisht se ka rreth 20 vite që është kthyer nga Anglia.

Lajmi kryesor:

Biznesmenit të ndërtimit iu mbushën llogaritë bankare me paund nga Anglia, i sekuestrohen bashkë me toka e makina luksoze! Adem Metkola: Ishin kapar për të ndërtuar resort në Durrës

S.G/E.B/Shqiptarja.com

TAG:
• Adem Metkola