POP 5

Lajmet më të lexuara të 5 minutave të fundit

Media

Adi Krasta në vend
të Amit dhe Ermalit në “DWS”

Prezantimi i një spektakli është me siguri një nga gjërat që ai di të bëjë më mirë. 
Prezantimi i një spektakli është me siguri një nga gjërat që ai di të bëjë më mirë. Ironik, shpotitës, karizmatik , mbi të gjitha shumë profesional. Unik në llojin e vet. Dhe në Shqipëri nuk ka dy Adi Krasta. Ai është vetëm një dhe këtë vjeshtë do të rikthehet në një spektakël mjaft interesant. Bëhet fjalë për “Dancing with the stars”, spektakli që çon në pistën e vallëzimit personazhet më të njohur shqiptar nga fusha të ndryshme të artit dhe shoubizit. Drejtimi i këtij spektakli, të cilin e sjell në Shqipëri për herë të katërt producentja Holta Dulaku,  i  është besuar Krastës. Megjithatë ai nuk do të jetë i vetëm, pasi në krah të tij flitet se do të jetë një prezantuese femër, por që deri tani nuk dihet ende asnjë emër konkretë. Ndërkohë mësohet se spektakli do të nis në fillim të tetorit dhe do të zgjas 3 muaj. Balerinët profesionistë do të jenë ata të viteve të kaluara por nuk përjashtohen as prurje të reja ose zëvendësime. Adi do të jetë prezantuesi kryesor i këtij shou, pas eksperiencës së kaluar të Amit dhe Ermalit.  Ccifti  i njohur nuk do të jetë këtë vit në DWS, pasi Ami pret të bëhet nënë së shpejti dhe koha e mëmësisë së saj përkon me fillimin e spektaklit për këtë vit. Kështu batutat e Ermalit do të zvendësohen me sarkazmën e Krastës.  Ndërsa sharmin e Amit, nuk e dimë ende se kush do ta zëvendësojë.  Ky vit do të ketë ndryshime edhe në jurinë e spektaklit ku dimë se do të ketë antarë shtesë, një apo dy.  Iva Tiço, Ilir Shaqiri dhe Alfred Kaçinari nuk do të ndryshojnë edhe këtë sezon të katërt.  Ndërsa një ndër emrat që mësohet se do t’i shtohet kësaj tresheje është aktorja e njohur Ema Andrea.

adi krasta

Emrat e yjeve që do të kërcejnë

Ende nuk është finalizuar asgjë, por emrat e parë, të cilët mund të jenë në garën e “Dancing With the Stars” kanë  nisur të përfliten në këtë fillim shtatori. Disa prej tyre, të cilët mund të jenë këtë vit në  këtë spektakël janë, këngëtarja Miriam Cani, Aurela Gaçe, këngëtarja seksi Nora Istrefi, dhe gazetarja Aulona Musta.  Këta janë emrat e parë që  ndoshta do t’i bashkohen pistës së yjeve në një garë për aftësitë në kërcim, nga ku vetëm njëri do të jetë fituesi i madh. Mbetet për tu parë cilët do të jenë emrat e tjerë surprizë, pasi vitet e tjera kanë marrë pjesë personazhe të njohur përfshi këtu edhe aktorë të mëdhenj, si Enver Pertovski apo Viktor Zhusti.

adi krasta

DWS jo vetëm kërcim, por edhe histori dashurie

Thonë që kur dy njerëz kuptohen mirë në kërcim ata mund të kuptohen fare mirë për tërë jetën. Kështu ka ndodhur  të paktën me njërën prej konkurenteve të DWS në Shqipëri, këngëtaren e  njohur Soni Malaj, e cila u dashurua gjatë kohës së “dancing” me balerinin e saj Mirko. Sot ata janë prindër të një vajze të vogël, që e kanë pagëzuar me emrin Anna.  Shkëndija dashurie pati edhe për konkurentë të tjerë; aktorja Olta Gixhari pati një histori dashurie që nisi gjatë kohës së DWS me Olsi Mingomataj, e po kështu edhe Simone, balerinit italian iu përvëlua zemra dy vitet kur ishte balerin profesionist i këtij spektakli, njëherë me Agnesa Vuthaj e herën tjetër nuk e morëm vesh se kush ia mori mendjen!  Jo të gjithë patën fatin e Sonit dhe Mirkos!
 
 
 Shkrimi u botua në numrin e sotëm të suplementit "THASH&THEM" të gazetës "Shqiptarja.com"

Redaksia Online
(Xhulia Karavella/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi