POP 5

Lajmet më të lexuara të 5 minutave të fundit

Arkiva

Administrata, KSHC: Punësimi
fiktiv, fituesit paracaktohen

Sipas raportit vjetor 2011, KSHC konstaton se në institucionet qëndrore janë konstatuar 228 pozicione pune që bëjnë pjesë në shërbimin civil që janë plotësuar nga emërime me kontrata.
TIRANË – Komisioni i Shërbimit Civil konstaton se gjatë vitit 2011 punësimet në administratën qëndrore dhe vendore janë fiktiv dhe fituesit caktohen përpara se konkurset për vendet e punës të zhvillohen. Sipas raportit, në institucionet qëndrore janë konstatuar 228 pozicione pune që bëjnë pjesë në shërbimin civil që janë plotësuar nga emërime me kontrata.
Në raste të tilla, Komisioni thotë se institucionet e argumentojnë moshapjen e konkurseve, me mungesën e fondeve dhe me koston e lartë që ka kjo procedurë. Megjithatë, edhe në rastet kur njoftohet zhvillimi i një konkursi, vërehet se bëhet vetëm ligjërimi i punonjësve egzistues, që më parë janë emëruar me kontratë.
Komisioni ka kërkuar ndërhyrjen e Kontrollit të Lartë të Shtetit në listat e pritjes apo refuzimi për të zbatuar plotësisht vendimet për shkarkimet e padrejta.
“Në asnjë rast, institucionet qëndore dhe vendore nuk kanë kthyer në të njëjtin vend pune një punonjës për të cilin është marrë vendimi për t’u kthyer në punë. Kjo i sjell një dëm të konsiderueshëm buxhetit të shtetit, pasi për të njëjtin vend pune, paguhen dy persona”, citohet në raportin vjetor të Komisionit të Shërbimit Civil.

LISTA E PRITJES
Në të shënohen emrat e punonjësve të larguar nga administrata per shkak shkurtimesh apo ristrukturimesh, por që vetë institucionet duket se nuk “preferojnë” të rekrutojnë personel nga kjo listë, duke sjellë sërish dëm për buxhetin e shtetit, pasi edhe punonjësi i rekrutuar me kontratë të përkohshme, edhe ai që është në listën e pritjes, duhet të paguhen nga buxheti i shtetit.
Duke renditur problematikat kryesore, Komisioni i Shërbimit Civil ka propozuar një serë masash për zgjidhjen e këtyre problemeve, duke kërkuar gjithashtu fuqizimin e pozitave dhe vendosjen e këtij institucioni të planifikuar për t’u shkrirë, në krah të Gjykatës Administrative, që pret votën parlamentare.

(aq/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Qytetarët pa energji e të bllokuar nga bora, PD: Moti nxjerr gënjeshtrat e Belinda Ballukut! Tenderët për infrastrukturën u shkojnë miqve të pushtetit

Qytetarët pa energji e të bllokuar nga bora, PD: Moti nxjerr gënjeshtrat e Belinda Ballukut! Tenderët për infrastrukturën u shkojnë miqve të pushtetit

14 Janar, 13:45