Aplikimi do të nisë vitin e ardhshëm pas nënshkrimit të memorandumit mbi Zbatimin e një Programi Shumëvjeçar për mësimin e Gjuhës Frënge në administratën shqiptare.
Marrëveshja u firmos nga zv.ministri i Punëve të Jashtme, z. Selim Belortaja dhe Ambasadorja e Francës në Tiranë, znj. Christine Moro.
Ministri i Jashtëm Edmond Haxhinasto “vlerësoi se gjuha frënge do të jetë një mjet shumë i rëndësishëm për kualifikimin e mëtejshëm të diplomatëve.”
Ky memorandum parashikon hartimin e një plani për mësimin e gjuhës frënge nga nëpunësit civilë shqiptarë të specializuar në çështjet evropiane dhe ndërkombëtare, ose në çështjet e lidhura me integrimin evropian. Synimi i tij është formimi progresiv me aftësi linguistike i një numri të caktuar nëpunësish për një periudhe trevjeçare.
Memorandumi i bashkëpunimit u firmos ne 40-vjetorin e Frankofonise dhe ne 6-vjetorin e anëtarësimit te Shqipërisë ne të.