Rusia vazhdon provokimet me avionë nga ajri pranë kufijve të NATO-s. Së fundmi, radarët e NATO-s kanë kapur 5 avionë rusë pranë Danimarkës.

Bëhet fjalë për një avion Su-30, Su-35 dhe tre MiG-31, të gjithë rusë, të cilët po fluturonin pranë hapësirës ajrore të Danimarkës.

NATO aktivizoi menjëherë mekanizmat mbrojtëse, duke ngritur në fluturim 2 avionë luftarakë hungarezë nga baza ajrore baltike në Lituani.

Më herët, pranë Alaskës, SHBA kapi 4 avionë luftarakë rusë. Menjëherë u ngritën në fluturim 4 avionë luftarakë F-16 amerikanë, të cilët larguan avionët rusë. Në fluturim u ngrit edhe një avion mbikëqyrës.

Komanda e Mbrojtjes Hapësinore të Amerikës së Veriut, që interceptoi mjetin e fluturimit, bëri me dije se avionët rusë qëndruan në hapësirë ajrore ndërkombëtare dhe nuk hynë në hapësirën ajrore amerikane ose kanadeze.

Pas manovrare në ajër, ka reaguar edhe ambasadori i Rusisë në Francë, Alexey Meshkov, ka paralajmëruar Perëndimin që rrëzimi i një avioni rus, do të ishte shpallje lufte.

“Çdo rrëzim i një avioni rus nga NATO në hapësirën e saj ajrore do të shkaktonte një luftë”, ka thënë ai.

Vendet e NATO janë në gatishmëri pas disa rasteve të javës së kaluar, kur avionë dhe dronë rusë hynë në hapësirën ajrore të vendeve të NATO-s në Evropë.

Në fjalimin që Presidenti amerikan Donald Trump mbajti në OKB, u bëri thirrje vendeve të NATO-s që t’i rrëzojë avionët rusë nëse hyjnë në hapësirën ajrore.

Rendit zhvillimet sipas orarit:
Ora 18:43
Provokimet në ajër, reagon Moska: Nëse rrëzohet një avion rus, do niste lufta

1758818724_avionrus.jpg

Pas provokimeve në ajër me avionët rusë që i afrohen kufijve të vendeve të NATO-s dhe mobilizimin e menjëhershëm të avionëve Perëndimorë, ka reaguar edhe Moska.

Ambasadori i Rusisë në Francë, Alexey Meshkov, ka paralajmëruar Perëndimin që rrëzimi i një avioni rus, do të ishte shpallje lufte.

“Çdo rrëzim i një avioni rus nga NATO në hapësirën e saj ajrore do të shkaktonte një luftë”, ka thënë ai.

Ky reagim erdhi pasi avionë ushtarakë të NATO-s dhe SHBA u mobilizuan menjëherë pasi avionë rusë fluturuan pranë kufirit të Danimarkës si dhe pranë Alaskës.

Dy ditë më parë, edhe Presidenti Trump u bëri thirrje vendeve të NATO-s që të rrëzojnë avionët rusë të cilët hyjnë në hapësirën ajrore.