AF Elbasani feston trofeun me stadiumin plot, Nevil Dede: Më kujton 2006, qytet me fisnikëri! Kapiteni Gava: Dua ta mbyll karrierën me trofeun e Superligës

ELBASAN - Akademia e Futbollit Elbasani është kampion i Kategorisë së Parë dhe sezonin e ri do luaj në Superligë. Të shpallur kampion para disa javësh, AF Elbasani festoi dje trofeun me tifozët në "Elbasan Arena".

Kundër Bylis, skuadra e Nevil Dedes fitoi 2-3 në ndeshjen e fundit që u luajt në shtëpi edhe pas një marrëveshjeje mes klubeve. Me stadiumin plot, AF Elbasani ngriti trofeun.

Pas ndeshjes për mediet trajneri Nevil Dede tha se është i lumtur për këtë sukses pasi qyteti e meriton dhe një situatë e tillë i kujton vitin 2006, kur Dede me Elbasanin fitonte trofeun e kampionit të Superligës si futbollist.

"E meritojnë këta njerëz dhe qyteti. Na kanë përcjellë dashuri gjithë kohës dhe ne mundohemi t'ua shpërblejmë. Suksesi më i madh është i lojtarëve. E meritojnë të gjithë, jam krenar. Kjo situatë më kujton 2006, ky qytet ka edukatë dhe fisnikëri dhe e meriton", tha Nevil Dede.

Edhe kapiteni Orges Gava u duk i emocionuar dhe tha se është i lumtur që AF Elbasani u ngjit në Superligë.

"Kam dalë fitimtar në të treja kategoritë dhe jam krenar që do jem me AF Elbasanin në Superligë. Dua të mbyll karrierën me fitimin e Superligës. Ky trofe është për tim bir", tha 34-vjeçari.

Renditja finale e Kategorisë së Parë për sezonin 2023-24:

 

S.DH/S.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet Rama të pranojë një qeveri teknike siç pretendon Sali Berisha?



×

Lajmi i fundit

Berisha ankohet në Strasburg! Kërkon lirinë: Drejtësia shqiptare nuk më dëgjoi. Vendimet zbardhen me vonesë

Berisha ankohet në Strasburg! Kërkon lirinë: Drejtësia shqiptare nuk më dëgjoi. Vendimet zbardhen me vonesë