POP 5

Lajmet më të lexuara të 5 minutave të fundit

Sport

AF Elbasani shkruan historinë, pas 9 vitesh qyteti rikthehet në Superligë! Festa e verdhebluve pa tifozët

Elbasani është në festë. Klubi i krijuar rishtazi para 2 vitesh është ngjitur në Superligë 9 vite nga hera e fundit që kur KF Elbasani ishte në elitë. Bashkë me verdheblutë sezonin e ardhshëm në Superligë do jetë edhe Bylisi.

Për herë të parë pas 9 vitesh Elbasani sezonin e ardhshëm do luajë në Superligën shqiptare. Verdheblutë arritën të siguronin matematikisht ngjitjen në elitë pas fitores 1-0 kundër Apolonisë në javën e 29 të Kategorisë së Parë. Kur kanë mbetur edhe 4 javë kampionat Elbasani i vendit të parë është 15 pikë më shumë se Flamurtari i vendit të tretë.

Fakt është se Akademia Futbollit Elbasani do luajë për herë të parë në Superligë, pasi ky klub u krijua para 2 vitesh dhe nisi të luantë në kategoritë inferiore të futbollit në vend. AF Elbasani lindi si nevojë për të përfaqësuar qytetin në futboll, pasi klubi i vjetër KF Elbasani u shkri për shkak të borxheve dhe përplasjeve.

Për fatin jo të mirë të AF Elbasanit kjo ngjitje në Superligë nuk u festua dot me tifozët, që kanë qenë të shumtë këtë sezon në Kategorinë e Parë, duke qenë se janë të dënuar nga Komisioni i Disiplinës në FSHF.

Bashkë me Elbasanin sezonin e ardhshëm në Superligë do luajë edhe Bylisi, që siguroi matematikisht ngjitjen pas fitores 3-2 kundër Korabit. Ballshiotët aktualisht renditet të dytët me 67 pikë, 2 më pak se Elbasani i vendit të parë.

Rendit zhvillimet sipas orarit:
Ora 22:39
VIDEO/ Festë edhe pse të dënuar, tifozët i bashkohen Elbasanit për ngjitjen në Superligë! Mbështetje edhe nga pallati pranë stadiumit

 

Për fatin jo të mirë të AF Elbasanit kjo ngjitje në Superligë nuk u festua dot me tifozët, që kanë qenë të shumtë këtë sezon në Kategorinë e Parë, duke qenë se janë të dënuar nga Komisioni i Disiplinës në FSHF. Megjithatë gjatë ndeshjes prezenca e tyre u ndje teksa mbështesnin nga një pallat pranë stadiumit, ndërsa pas mbarimit të ndeshjes grupimi ultras tigrat festuan në fushë bashkë me klubin.

Ne.k./Shqiptarja.com

Ne.k./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mund të zhvillojë Shqipëria turizmin elitar?

Lajme të tjera



×

Lajmi i fundit

SHBA/Emigranti nga Laosi, një prej fituesve të lotarisë 1.3 mld $: Jam i bekuar

SHBA/Emigranti nga Laosi, një prej fituesve të lotarisë 1.3 mld $: Jam i bekuar

30 Prill, 15:36