POP 5

Lajmet më të lexuara të 5 minutave të fundit

Bota

SHBA ‘harron’ zotimin, u ndalon ëndrrën amerikane refugjatëve, afganët mbeten në Shqipëri

Presidenti Donald Trump ka pezulluar programin e pranimit të refugjatëve në SHBA, duke ndalur ëndrrën amerikanë të mijëra afganëve. Rreth 350 prej tyre mbeten në Shqipëri. Më herët kryeministri Rama tha se Shqipëria u hapi derën dhe nuk do t’i braktisë.

Edhe Shqipëria preket nga urdhrat e fundit të Presidentit amerikan Donald Trump. Shtëpia e Bardhë publikoi urdhrin ekzekutiv të Trump që pezullon programin e pranimit të refugjatëve në SHBA dhe ai hyn në fuqi në 27 janar.

Urdhri ndërpret në mes rrugëtimin dhe ëndrrën amerikane të afganëve të larguar nga Afganistani pas kthimit të talebanëve në pushtet në vitin 2021. Qindra prej tyre janë në Shqipëri të strehuar në Shëngjin dhe Durrës.

Mijëra refugjatë afganë kanë ngecur në vendet që i pranuan me kërkesë të administratës Biden, mes tyre edhe Shqipëria në pritje prej 4 vjetësh të vizave SIV  për të udhëtuar drejt SHBA. Administrata e Joe Biden u kishte premtuar se do të jetonin në SHBA si pjesë e një programi humanitar pas tërheqjes së trupave amerikane nga Afganistani në 2021, program i pezulluar nga presidenti Donald Turmp ne 20 janar.

Një parashikim për këtë vendim e shprehu edhe kryeministri Edi Rama në konferencë me homologen italiane Meloni, kur tha se në Shqipëri kanë mbetur edhe rreth 350 afganë, por Shqipëria u hapi derën dhe mori përsipër riskun që të mbesin në vendin tonë dhe nuk do t’i hedhë në rrugë.

Urdhri ekzekutiv i Trump për pezullimin e programit amerikan të refugjatëve mund të lërë në harresë të paktën 2,000 afganë, që kishin marrë miratim për t'u zhvendosur në SHBA.

Reagime të shumta shpërthyen nga organizatat afagane se SHBA u detyrohet një borxh të madh mijëra afganëve që punuan me forcat amerikane për 2 dekada luftë. Shumë prej të larguarve kanë frikë nga hakmarrja talebane, ku 200 janë anëtarë të shërbimit amerikan.

Sipas një raporti nga Departamenti i Shtetit i SHBA-së, më shumë se 180,000 afganë kanë mbërritur në tokën e premtuar që nga gushti 2021.  Nga 27 janari programi pranimit pezullohet për të paktën 90 ditë. Sekretarët e Sigurisë Kombëtare do t'i paraqesin një raport Trump nëse programi "do të ishte ose jo në interes të SHBA’, derisa presidenti të marrë një vendim.

S.B/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tirona: 23/01/2025 17:19

    Dhurat e Ramës.Mir ato që ka mor por po u hap dyert dhe shumë projekteve të tjera me sjell lloj lloj Afgani,Siriani e Palestinezi.Shifni ça bojn Afhanët nëpër EU.Ska jav mos vr@sin naj rob me thik apo armë.Në.Gjermani therën kalamoj në park.

    Përgjigju
  • Alb: 23/01/2025 16:18

    Ti gezoj shqipnin tash kjo ashte politika. Ha ha ha ha

    Përgjigju
  • Milo: 23/01/2025 15:59

    Nuk i mori Shqiperia. Por Rama. Nuk premtoi SHBA por Hilary Klinton dhe shpura e saj private per interesat e tyre te pista. Ajo tel Kim dhe Kim Ramen. Dhe “u be”! Asgje shteterore e zyrtare nuk ka ne kete afere te piste.

    Përgjigju
    • Niku: 23/01/2025 16:51

      Mos u nxitoni. Prisni se vetëm ësht pezulluar për 90 dit. Kush do që të ishte k/ministër nuk do kundërshtonte

  • Tani: 23/01/2025 14:24

    Le ti mbaje Alban Kalo qe i pret me gezim kur vijne be rinas

    Përgjigju
    • Den: 23/01/2025 17:52

      Keta komentuesit harrojne qe jane 2 milion shqiptare qe jane larguar nga vendi njesoj si keta afganet,por me ndryshimin qe atje kish lufte Nuk e kuptoj pse u duket vetja me te mire se afganet

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Nga supa e pulës te mjalti, cilat janë ushqimet që ju mbrojnë nga virozat e stinës

Nga supa e pulës te mjalti, cilat janë ushqimet që ju mbrojnë nga virozat e stinës

23 Janar, 18:27