Afrin/ Forcat turke “rrethojnë” qytetin
Sirian, neutralizohen 3393 terroristë

Ushtria turke thotë se e ka rrethuar qytetin Afrin të mbajtur nga kurdët në Sirinë veriore, me synim sulmin kundër një milicie kurde. Ndërsa në anën tjeter trupat kurde dhe aleatët e tyre, rebelët sirianë, mbajnë nën rrethim"zona të rëndësishme".

Burimet kurde thanë se të gjitha rrugët në Afrin ishin të përfshira nga zjarri, por mohuan se qyteti ishte i rrethuar.

Qindra civilë u larguan nga qyteti në zonat e afërta të kontrolluara nga qeveria siriane të hënën. Operacioni turk synonte largimin e Njesisë Mbrojtëse të Popullit Kurd (YPG), kur milicia nga Afrin filloi më 20 janar.

Qeveria turke thotë se YPG është një shtojcë e Partisë së Punëtorëve të Kurdistanit (PKK), e cila ka luftuar për autonominë kurde në Turqinë jug-lindore për tre dekada dhe e konsideron atë një grup terrorist.

YPG mohon çdo lidhje të drejtpërdrejtë organizative me PKK-në. Këtë pohim e ka mbështetur edhe SHBA, e cila u ka siguruar mbështetje ajrore për t'i ndihmuar ata të mos  bien në grupin xhihadist të Shtetit Islamik (IS).

Turqia thotë se 3,393 terroristë janë "neutralizuar", një term që thotë se ata janë dorëzuar, janë kapur ose janë vrarë - që nga fillimi i ofensivës në Afrin.

Gjysmëhëna e Kuqe Kurde thotë se më shumë se 230 civilë, përfshirë 35 fëmijë, janë vrarë dhe 688 civilë janë plagosur. Megjithatë, komandantët turk mohojnë te kenë sulmuar civilët.

Turqia ka kërcënuar gjithashtu të nisë një operacion për të pastruar luftëtarët e YPG të vendosur në Manbij, një qytet në lindje të Afrin, si pjesë e Forcave Demokratike Siriane të mbështetura nga SHBA.

Të martën, Ministri i Jashtëm turk Mevlut Cavusoglu tha se një marrëveshje ishte arritur me SHBA që YPG të tërhiqet nga Manbij dhe se ushtarët e Turqisë dhe SHBA-së të qëndronin aty për të siguruar sigurinë e saj.

Redaksia Online
A.S/Shqiptarja.com