Agjencia Amerikane e Barnave pezullon përkohësisht vaksinën e Johnson & Johnson pas rasteve të shfaqura të trombozave në gjak

Agjencia  Amerikane e Barnave dhe agjencitë federale të shëndetësisë bënë thirrje për një pezullim të menjëhershme në përdorimin e vaksinës anti-COVID Johnson & Johnson pasi gjashtë persona shfaqen një çrregullim të rrallë që përfshinte mpiksjen e gjakut dhe trombozë, dy javë pasi morën vaksinën.

Të gjashtë personat ishin gra mes moshave 18 dhe 48, njëra nga ato humbi jetën dhe një grua e dytë në Nebraska është shtruar në spital në gjendje kritike.

Pothuajse shtatë milion njerëz në Shtetet e Bashkuara kanë marrë vaksinën e Johnson & Johnson deri më tani dhe afërsisht nëntë milion doza të tjera janë dërguar për injektim.

“Sot FDA dhe @CDCgov lëshuan një deklaratë në lidhje me vaksinën Johnson & Johnson. Ne rekomandojmë një pauzë në përdorimin e kësaj vaksine,” thuhet në njoftimin e FDA.

Vendimi është një goditje për Johnson & Johnson ashtu edhe për planet e administratës për vaksinimin.

Tetorin e kaluar, Johnson & Johnson u detyra të ndalonte provat klinike kur një nga vullnetarët u sëmur rëndë por rifilloi provat rreth dy javë më vonë, duke thënë se nuk kishte "asnjë provë" që vaksina të kishte shkaktuar shqetësimet. 

Publikisht, natyra e sëmundjes së vullnetarit mbeti një mister deri në shkurt, kur FDA zbuloi se një pjesëmarrës në studim,  25 vjeçar mashkull pa histori mjekësore të kaluar dhe i cili nuk po merrte asnjë ilaç mori vaksinën dhe përjetoi një trombozë të sinusit tërthor .

Rreth 3 deri në 4 persona për 1 milion përjetojnë këtë mpiksje gjaku çdo vit dhe 75% e rasteve të të rriturve janë gra.

Gjatë provës klinike të Johnson & Johnson, pati raportime edhe për lloje të tjera të mpiksjes së gjakut, disa janë relativisht të zakonshme, të tilla si tromboza e venave të thella, kështu që nuk ishte për t'u habitur që midis afërsisht 20,000 pjesëmarrësve që morën vaksinën, disa do të përjetonin ato mpiksje. 

Johnson & Johnson është vaksina e parë në botë e cila miratohet për aprovim dhe ka një dozë të vetme. E veçanta e kësaj vaksine është gjithashtu edhe prakticiteti që ofron në transport edhe në ruajtje, pasi nuk ka nevojë të qëndrojë në temperatura -70 gradë, si Pfizer.

Organizata Botërore e Shëndetësisë miratoi vaksinën emergjente Johnson & Johnson më 12 mars.

TAG:
• SHBA
• Koronavirus
• Vaksina anti Covid
• Johnson & Johnson