POP 5

Lajmet më të lexuara të 5 minutave të fundit

Bota

Agjencia iraniane: Teherani dërgon dy satelitë në Rusi, për t'u lëshuar në orbitë

Irani ka dërguar dy satelitë të prodhuar në vend, në Rusi, për t'u vendosur në orbitë nga një mjet hapësinor rus, njoftoi të shtunën agjencia iraniane gjysmëzyrtare e lajmeve 'Tasnim'. Ky zhvillim shënon bashkëpunimin më të fundit hapësinor mes dy vendeve ndaj të cilëve Shtetet e Bashkuara kanë vendosur sanksione.

Agjencia iraniane: Teherani dërgon dy satelitë në Rusi, për t'u lëshuar në orbitë

Pamje satelitore

Irani ka dërguar dy satelitë të prodhuar në vend, në Rusi, për t'u vendosur në orbitë nga një mjet hapësinor rus, njoftoi të shtunën agjencia iraniane gjysmëzyrtare e lajmeve 'Tasnim'. Ky zhvillim shënon bashkëpunimin më të fundit hapësinor mes dy vendeve ndaj të cilëve Shtetet e Bashkuara kanë vendosur sanksione.

Prodhimi i Kowsar-it, një satelit që ofron pamje me rezolucion të lartë dhe Hodhod-it, një satelit i vogël komunikimi, është përpjekja e parë thelbësore nga sektori privat iaranian i hapësirës, thuhej në njoftimin e agjencisë.

Rusia dërgoi satelitë iranianë në orbitë në shkurt të vitit 2022, ndërsa zyrtarët amerikanë shprehën shqetësimin për bashkëpunimin hapësinor mes Rusisë dhe Iranit, nga droja se satelitët jo vetëm që do të ndihmonin sulmin rus në Ukrainë, por do të ndihmonin gjithashtu Iranin të monitoronte objektiva të mundshëm ushtarake në Izrael, e më gjerë në Lindjen e Mesme.

'Kowsar' mund të përdoret në bujqësi, për menaxhimin e burimeve natyrore, monitorimin e mjedisit dhe menaxhimin e fatkeqësive, shkruante agjencia iraniane 'Tasnim'. Po sipas agjencisë, 'Hodhod' është projektuar për komunikime me bazë satelitore dhe mund të përdoret në zona të largëta me pak qasje në rrjetet tokësore.

Në shtator, Irani dërgoi satelitin e dytë brenda këtij viti të një sateliti në orbitë, duke përdorur një raketë të ndërtuar nga Garda e tij Revolucionare. Ky zhvillim erdhi pasi Shtetet e Bashkuara dhe vendet evropiane akuzuan Teheranin për dërgimin e raketave balistike në Rusi, që mund të përdoren në luftën e saj kundër Ukrainës. Irani e ka hedhur poshtë një gjë të tillë./ VOA

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

SHBA, një avion me 64 pasagjerë në bord përplaset me një helikopter ushtarak në Uashington, ka viktima

SHBA, një avion me 64 pasagjerë në bord përplaset me një helikopter ushtarak në Uashington, ka viktima

30 Janar, 07:16