dokument

REPUBLIKA E SHQIPëRISë

MINISTRIA E INFRASTRUKTURëS DHE ENERGJISë

AGJENCIA KOMBëTARE e Ujësjellës-KanalizimeVE

 

KËRKESË PËR SHPREHJE INTERESI

(SHËRBIME KONSULENCE– PËRZGJEDHJA E INDIVIDËVE)

 

Republika e Shqipërisë

Ministria e Infrastrukturës dhe Energjisë

Agjencia Kombëtare e Ujësjellës-Kanalizimeve

Projekti i Investimit në Sektorin e Ujërave

Huaja Nr.: IBRD-83230

 

Titulli i paketës:         Përzgjedhja e një Konsulenti Individual për pozicionin e Drejtorit të Projektit

 

Kjo Kërkesë për Shprehje Interesi publikohet pas Njoftimit të Përgjithshëm të Prokurimit për këtë projekt, i publikuar në Development Business online Nr. WB183-01/13 të datës 14 Janar 2013.

 

Republika e Shqipërisë ka marrë hua nga Banka Botërore për llogari të Projektit të Investimeve në Sektorin e Ujit dhe synon të përdorë një pjesë të financimit nga Huaja për shërbimet e konsulencës për përzgjedhjen e një Konsulenti Individual për pozicionin e Drejtorit të Projektit të Investimeve në Sektorin e Ujit.

 

Shërbimet e konsulencës (“Shërbimet”) përfshijnë përzgjedhjen e një konsulenti individual si Drejtor për Projektin. Qëllimi i kësaj konsulence është të sigurojë zbatimin në kohë dhe me sukses të të gjithë aktiviteteve të Projektit të Investimit në Sektorin e Ujërave. Periudha e zbatimit të kontratës do të jetë afërsisht 12 muaj nga nënshkrimi i Kontratës, me të drejtë shtyrjeje.

 

Agjencia Kombëtare e Ujësjellës-Kanalizimeve fton konsulentë individualë të përshtatshëm (“Konsulentë”) të shprehin interesin e tyre në ofrimin e Shërbimeve. Konsulentët e interesuar duhet të japin informacion që paraqet kualifikimet e kërkuara dhe eksperiencën e përshtatshme për të kryer Shërbimet (CV në shqip dhe anglisht). Kriteret e përfshirjes në listën e shkurtër janë:

 

  • Diplomë Universitare në inxhinieri ndërtimi ose hidro;
  • Eksperiencë profesionale të vërtetuar në menaxhimin e kontratave komplekse të punimeve civile dhe të shërbimeve të konsulencës, të financuara nga donatorë të huaj (minimumi 10 vjet), eksperienca e punës në projekte të financuara nga Banka Botërore ose organizata të tjera ndërkombëtare është avantazh;
  • Eksperienca në prokurimin e punimeve civile, mallrave, shërbimeve konsulente dhe jo-konsulente sipas udhëzimeve të Bankës Botërore ose të ndonjë organizate tjetër ndërkombëtare është avantazh;
  • Njohuri të mira të legjislacionit shqiptar;
  • Njohuri të mira kompjuterike dhe aftësi në përdorimin e programeve word dhe excel;
  • Njohuri të mira të gjuhës angleze, të jetë në gjendje të komunikojë rrjedhshëm (verbalisht dhe me shkrim);
  • Njohuri të mira të cështjeve teknike në lidhje me projektet dhe zbatimin e projekteve të ujësjellës-kanalizimeve;
  • Preferohen njohuritë në lidhje me menaxhimin e një ujësjellësi, si humbjet teknike dhe administrative, faturimi dhe kontabiliteti, koeficienti i punës, kohëzgjatja e furnizimit, etj.

 

Konsulentëve të interesuar iu kërkohet t’i kushtojnë vëmendje paragrafit 1.9 të Udhëzimeve të Bankës Botërore: Përzgjedhja dhe Punësimi i Konsulentëve sipas Huave të IBRD dhe Kredive dhe Granteve të IDA nga Huamarrësit e Bankës Botërore, të datës Janar 2011 (“Udhëzimet për Konsulentët”), që përcakton politikën e Bankës Botërore për konfliktin e interesit. 

 

Një Konsulent do të përzgjidhet në përputhje me metodën e Konsulentëve Individualë (IC) të përcaktuar në Udhëzimet e Konsulentëve.

 

Më shumë informacion mund të merret në adresën e mëposhtme gjatë orarit zyrtar 08.00 deri 16.30 nga e hëna deri të enjten dhe 08.00 deri 14.00 të premten.

 

Shprehjet e interesit mund të dorëzohen zyrtarisht në adresën e mëposhtme (personalisht, ose me postë, ose me faks, ose me e-mail) deri më 1 Nëntor 2017.

 

Agjencia Kombëtare e Ujësjellës - Kanalizimeve

Në vëmendje: Z. Arben Skënderi, Drejtor i Përgjithshëm

Adresa: Lagja 4, Rruga “Sami Frashëri” Tiranë

Tel:+355 4 2256091

Fax:+355 4 2256091

E-mail: [email protected]