Agron Çela padit për shpifje Priftin:
Kompania ime s'ka lidhje me DIA-n

TIRANË­-Deputeti i Shkodrës  Agron Çela ka qënë mjaft i ashpër duke akuzuar kështu Priftin dhe Ismailajn si miq bashkëpunëtorë pas akuzave të Dritan Priftit,

"Jam sot para jush për të denoncuar dhe refuzuar me neveri shpifjet e djeshme ndaj meje nga ordineri Dritan Prifti, si përfitues i transfertave të parave nga DIA në kompanitë që unë drejtoja në vitin 2011.Për sa shpif Dritan Prifti, sqaroj se nuk ekziston asnjë transfertë parash nga DIA në kompaninë që unë kam drejtuar në vitin 2011.

Ai tha ndërsa se mbështet një hetim ndërkombëtar për çështjen e CEZ.
“Mbështes dhe do të votoj për një hetim të gjithanshëm ndërkombëtar për çështjen CEZ”.

Ja fjala e plotë e tij
 Jam sot para jush për të denoncuar dhe refuzuar me neveri shpifjet e djeshme ndaj meje nga ordineri Dritan Prifti, si përfitues i transfertave të parave nga DIA në kompanitë që unë drejtoja në vitin 2011.Për sa shpif Dritan Prifti, sqaroj se nuk ekziston asnjë transfertë parash nga DIA në kompaninë që unë kam drejtuar në vitin 2011.

Gjatë vitit 2011 unë kam qenë një qytetar i paangazhuar në asnjë forcë politike dhe tek Lëvizja Socialiste për Integrim u bashkova në vitin 2013 në prag të zgjedhjeve të atij viti.

Për këto shpifje të ndyra të ordinerit Dritan Prifti, do të ballafaqohem dhe do të ndjek çdo hap dhe çdo rrugë ligjore në gjykatë dhe në prokurori.
Mbështes dhe do të votoj për një hetim të gjithanshëm ndërkombëtar për çështjen CEZ.Ndërkaq dua t’ju bëj me dije se Dritan Prifti e njeh mirë Kastriot Ismailajn, kanë qenë shok, kanë punuar bashkë në vitin 1990.

Ata janë miq, ata janë shokë, ata punojnë me njëri tjetrin, ata zhvashin popullin.

Redaksia online
(s.m/shqiptarja.com)