Kreu i Partisë Ambientaliste Agrare, Agron Duka ka humbur njeriun më të dashur, nënën e tij në moshën 81-vjeçare.
Lajmin e ka bërë të ditur vetë Duka në profilin e tij personal.
Ai njofton miqtë dhe të afërmit e tij, se koha e pazakonte e pandemisë i detyron që të heqin dorë nga zakonet e moçme, por ritet do të zhvillohen pas kalimit të kësaj situate.
![](https://shqiptarja.com/template/img/NO_ALFA_Kuadrate%20shqiptarja.png)
Postimi i Dukës:
Me hidhërim të thellë njoftoj ndarjen nga jeta, të nënës sonë Vajdie Duka, në moshën 81 vjeçare e cila la qenë drita e shtëpisë tonë dhe drita e dijes e shumë nxënësve përgjatë karierës së saj si mësuese.
Një humbje e madhe që lehtësohet vetëm nga dashuria me të cilën ka mbushur përherë zemrat tona dhe gjithë të afërmëve të saj.
Të dashur miq, koha e pazakontë në të cilën jetojmë na detyron të heqim dorë nga zakonet e moçme falë të cilave kemi qenë afër njëri-tjetrit edhe në hidhërime, prandaj të gjitha ritet do t’i zhvillojmë pas kalimit të kësaj situate.
Në emrin tim dhe të familjes sime, ju falenderoj për mesazhet tuaja!
Vajdie Duka
/Shqiptarja.comKomente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)