"Nga Janari në shtator 2011, tek autoritetet u denoncuan 1683 raporte të dhunës në familje, 260 raste më shumë sesa e njëjta periudhë e vitit të kaluar. 82% e viktimave ishin gra. Shumica e incidenteve duke përfshirë edhe ato kundër fëmijëve mbeten të paraportuar" thuhet në njoftimin e Amnesty international.
Parlamenti shqiptar e ka miratuar në vitin 2006 ligjin për mbrojtjen e grave cka i ka cuar këto të kërkojnë më shumë mbrotje nga shteti bazuar në ligj. Por kjo nuk e ka parandaluar ngjarjen.
17 gra janë vrarë këtë vit në Shqipëri si pasojë e dhunës së brendshme. Në shtator Servete Karoshi u vra nga bashkëshorti, i cili në mënyrë të përsëritur kishte injoruar udhërat e mbrojtjes nga gjykata. Në shumicën e rasteve këto procedura stopohen shpesh edhe sepse viktimat janë të frikësuara, apo varësia ekonomike dhe sociale nga bashkëshortët.
Amnesty International deklaron se ndërsa mirëpret angazhimin e Shqipërisë duke firmosur këtë konventë i kërkon autoriteteve që ta përfshijnë dhunën në nenet e kodit të procedurës penale.