'Ajo është e sëmurë mendore, nuk është tipi im', gjykata e quan 'absurde' përpjekjen e Donald Trump për të hedhur poshtë padinë për përdhunimin e shkrimares

SHBA- Një gjykatës të premten hodhi poshtë si "absurde" përpjekjen e Donald Trump për të kundërshtuar një padi të shkrimtares Elizabeth Jean Carroll, e cili pretendon se ai e përdhunoi atë në dhomën e zhveshjes së një dyqani në Nju Jork në mesin e viteve 1990.

Carroll e ka paditur Trumpin për shpifje, për komentet e tij, i cili teksa mohon akuzat e saj, thotë se nuk ishte "tipi i tij".

Alina Habba, një avokate e Trump, tha: "Ne jemi të zhgënjyer me vendimin e gjykatës dhe planifikojmë një apel të menjëhershëm."

Avokatja e Carroll, Roberta Kaplan, tha se: "Ne jemi të kënaqur, por jo të befasuar".

Carroll akuzon Trumpin se e ka përdhunuar në dhomën e zhveshjes së Bergdorf Goodman në fund të 1995-ës ose në fillim të 1996-ës. Ajo fillimisht paditi pasi Trump mohoi akuzën në qershor 2019, duke i thënë një gazetari në Shtëpinë e Bardhë se nuk e njihte Carroll,  dhe se ajo "nuk ishte tipi i saj".

Padia e dytë u ngrit nga një postim në rrjetet sociale të tetorit 2022, në të cilin Trump e quajti pretendimin për përdhunim një "mashtrim", "gënjeshtër", "punë mashtruese" dhe "mashtrim i plotë" dhe tha "kjo mund t'i ndodhë vetëm "Trump"!

“Unë nuk e njoh atë. Mendoj se është e sëmurë, e sëmurë mendërisht”, tha ish-presidenti.

Trump po kërkon një mandat tjetër në Shtëpinë e Bardhë në vitin 2024. Ai dhe Carroll janë në pritje të një vendimi nga një gjykatë apeli në Uashington DC nëse, sipas ligjit vendas, Trump duhet të jetë i imunizuar nga padia e parë e Carroll.

Kjo padi ndoshta do të hidhej poshtë nëse gjykata vendosi që Trump foli brenda rolit të tij si president, por do të vazhdojë nëse Trump foli në cilësinë e tij personale, siç argumentoi Carroll. Çdo vendim nuk do të kishte efekt në padinë e dytë të Carroll. Gjyqi për padinë e parë është caktuar për 10 prill.

S.C/Shqiptarja.com

TAG:
• Elizabeth Jean Carroll
• perdhunim
• SHBA
• donald trump