VORE - "Aleanca Kuq e Zi" vijon të përballet me rrjedhjen e strukturave të saj dhe bashkimin e tyre me Partinë Socialiste.

 Pas largimit të sekretarit ekonomik pranë kësaj force politike, Dashamir Uruçit dhe shkrirjes së struktravë të Fierit me Lëvizjen Socialiste për Integrim, edhe strukturat e saj në Vorë deklarojnë largimin nga "Aleanca Kuq e Zi".

Arben Marku në emër të një grupi drejtuesish të "Aleancës Kuq e Zi" në Vorë akuzoi sot kreun e kësaj force politike për këto largime. Sipas tij Spahiu "ka hequr dorë nga kauza dhe është bërë pjesë e pazareve të ulëta politike."

Spahiu ka fokusuar të gjithë veprimtarinë politike duke bërë të dukej si opozitari më radikal por në të vërtetë qëllimi i tij është të bëjë opozitë brenda opozitës"- tha sot Marku.

Ndër të tjera Marku shton së strukturat i kanë kërkuar me ngulm kreut të AK të bëjë koalicion me opozitën e bashkuar për largimin e Berishës nga pushteti.

Redaksia online
(ar.sh/sg/shqiptarja.com)