AK: Ministri Imami po hetohet
në SHBA për trafik armësh

TIRANE – Aleanca Kuq e Zi denoncoi sot trafikun e armëve që kryhet sipas saj, nga ministri i Mbrojtjes Arben Imami, duke përmendur edhe hetimet që janë ngritur për këtë çështje në Shtetet e Bashkuara të Amerikës.

Sipas Aleancës Kuq e Zi, Ndihmës Prokurorja shtetërore e Majamit në Shtetet e Bashkuar të Amerikës, Eloisa Fernandes ka hapur hetimet kundër kompanive Montenegro Defense Indystry MEIKO nga Shqipëria dhe Sentri Arms INC, hetim i cili lidhet me shkeljen e embargos së tregëtisë së armëve të prodhuara në Kinë, të cilat sipas një vendimi të qeverisë Amerikane të vitit 1989, armët e prodhuara në Kina, nuk mund të rishiten nga kompani e vendeve të tjera drejtë vendeve që kërkojnë t’i bljenë ato.

“Aleanca Kuq e Zi prej dy muajsh ka publikuar dosjen e aferave korruptive të ministrit të Mbrojtjes, Arben Imami dhe ka kërkuar që ky shtetas të ulet në bankën e të akuzuarit nga Prokuroria shqiptare. Kjo gjë nuk ka ndodhur dhe duket se tanimë është momenti i duhur që Prokuroria shqiptare të ndalojë Arben Imamin, në mënyrë që t’i lehtesojë punën Ndihmës Prokurores së shtetit të Majamit në SHBA për të zbardhur skandalet ndërkombëtare të ministrit të Mbrojtjes. Është paradoksale që për një skandal kaq të madh hetimi të nisë fillimisht nga Prokuroria e një shteti të huaj dhe jo nga prokuroria shqiptare.”, -thuhet në njoftimin për shtyp të AK-së.

Sipas Aleancës Kuq e Zi, në dokumentacionin e siguruar nga kjo e fundit, i përpiluar nga Fernandes, “është pasqyryar qartazi itenerari i tregëtimit të armëve të prodhuara në Kinë kalojnë në Shqipëri, eksportohen në Malin e Zi, prej këndej në Shtetet e Bashkuara të Amerikës me destinacion përfundimtarë Meksikën. Saktësisht bëhet fjalë për 30 mijë pushkë të prodhimit kinëz të markës “MODEL 53”.”

Ajo që vlen të citohet nga dokumenti i Ndihmës Prokurorës shtetëtore të shtetit të Majamit Eloisa D. Fernandez, sipas AK, është modeli i armëve që eksportohen nga MEIKO dhe Importohen nga “Montenegro Difens Industri”, armë të prodhuara në kinë prej vitit 1953 deri në vitin 1957 gjë që është e vërtetuar edhe në letër-certifikatën eksportuese të cilën Meiko e ka marrë në dorëzim.

“Aleanca Kuq e Zi përshëndet vendimin e Ndihmës Prokurores së shtetit të Majamit në SHBA për hetimin e tregëtisë së armëve nga shteti shqiptar me vendet e tjera dhe i uron asaj zbardhjen deri në fund të përgjegjësve të skandaleve të tilla aspak të denja për vendet anëtare të NATO’s.”, lexohet në njoftimin për shtyp të AK-së.

Redaksia Online

(Gre.M/Shqiptarja.com)