AK: Në 17 janar në Krujë,
do projektojmë të ardhmen

Një ditë para hyrjes drejt vitit të ri 2012, Aleanca Kuq e Zi ka folur mbi arritjet gjatë vitit 2011-të duke u vetë cilësuar si lëvizja më popullore në histori. Si sukses AK përmend fitoren e betejës me censusin pasi ,si shprehet AK, “Gjykata Kushtetuese rrëzoi faqezinjtë”.

Ndër objektivat e kësaj lëvizje për vitin 2012 është denoncimi i çdo politike antishqiptare.

"Më 17 janar do jemi në Krujë për të përkujtuar Skënderbeun dhe për të shpallur objektivat për të ardhmen e shqiptarëve. Në kalanë e Krujës do valëvitet flamuri gjigant. 2012-ta përfaqëson fundin e botës antishqiptare”, shprehet AK.