Akademia Politika, ish studentët: 
Duhen praktika më të mira europiane

Bashkitë e reja do të duhet të ndryshojnë sjellje duke përfshirë komunitetet bregdetare në dhënien në administrim të plazheve, çka do të sillte më shumë mundësi në vendimmarrje dhe rritjen e shanseve që plazhet të përdoren nga anëtarët e këtyre komuniteteve.

Është ky një prej rekomandimeve të dhëna nga ish studentë Akademisë së Studimeve Politike për rritjen e përfshirjes së komuniteteve rurale bregdetare në administrimin e plazheve në Shqipëri.

Bëhet fjalë për një punim shkencor të prezantuar këtë të martë në konferencën “Kërkimi dhe advokimi sigurojnë politika më të mira evropiane në Shqipëri” ku u prezantuan edhe 4 punime të ngjashme me fokus përmirësimin e politikave në nivel vendor me pjesëmarrjen e Artan Shkëmbit, drejtor i Agjensisë së Zbatimit të Reformës Territoriale, Olsi Dekovi, zv.shef i zyrës së Këshillit të Evropës, përfaqësues të Ambasadës së Zvicrës, Erjon Tase, drejtor ekzekutiv i Akademisë së Studimeve Politike dhe Klodjan Seferaj, menaxher i programeve, Fondacioni Shoqëria e Hapur për Shqipërinë.

Gjatë konferencës të pranishmit diskutuan pikërisht gjetjet e këtyre punimeve me vendimmarrësit dhe aktorët kryesorë, me synimin replikimin e shembujve pozitivë në njësi të tjera vendore si dhe përmirësimin e praktikave të hasura përgjatë vitit të parë të zbatimit të reformës administrativo-territoriale. 




Një tjetër studim I prezantuar në konferencë ishte ai mbi aksesin e personave me aftësi të kufizuara ku analizohen ndërhyrjet e bëra në infrastrukturën e kryeqytetit gjatë viteve 2015-2016.

Studimi i cili mori dhe vlerësimin e nënkryetarit të bashkisë së Tiranës Andi Seferi, i pranishëm në panel, rekomandon që Bashkia e Tiranës të mbiqkyrë të gjitha punimet infrastrukturore që po kryen me fokus të veçantë sigurimin e zbatimit të standarteve që garantojnë aksesin e personave me aftësi të kufizuara dhe t'i përfshijë ata në të gjitha proceset që ndikojnë në jetën e tyre në komunitet. 

Punimet e prezantuara në konferencë ishin: 
1.    Monitorimi i standardeve të aksesueshmërisë për personat me aftësi të kufizuara në ndërhyrjet infrastrukturore të vitit 2015-2016 të Bashkisë Tiranë, përgatitur nga Suela Lala ndërsa morrën pjesë Bardhylka Kospiri, zv.ministre e Rinisë dhe Mirëqenies Sociale dhe nënkryetari I bashkisë së kryeqytetit Andi Seferi. 

2.    Evidentimin e shembullit pozitiv të bashkisë Korçë për punësimin e personave  “të dënuar në shërbim prove dhe ish të dënuar, përgatitur nga Evis Fico me pjesëmarrjen e drejtorit të Shërbimit të Provës Ilir Qafa. 

3.    Monitorimi i situatës së transferimit dhe menaxhimit të pronës shtetërore në Bashkinë Tiranë pas reformës administrative-territoriale përgatitur nga Arlind Lugji. 

4.    Vlerësimin e mënyrave për të përfshirë komunitetet rurale bregdetare në administrimin e plazheve të Rivierës Shqiptare përgatitur nga . Admir Malaj, Ervis Moçka, Oljan Kanushi. Në panel ishin të ftuar Dritan Leli, kryetari I bashkisë së Vlorës dhe Auron Tare, drejtor i Agjensisë Kombëtare të Bregdetit. 

5.    Monitorimin e procedurave të prokurimit publik në bashkinë Kamëz dhe sfidat në luftën kundër korrupsionit në nivel vendor përgatitur nga Florenca Korbi me pjesëmarrjen e Evis Shurdha, drejtore e Agjensisë së Prokurimit Publik dhe të tjerë. 

Redaksia Online
l.q/Shqiptarja.com