Të paktën 50 persona kanë mbetur të plagosur mbrëmjen e kësaj të marte në Gjermani, si pasojë e një aksidenti hekurudhor pranë Dyseldorfit.

Mediat ndërkombëtare bëjnë të ditur se një tren pasagjerësh është përplasur me një tren mallrash në qytetin Merbush.

Përmes një postimi në rrjetin social Twitter, departamenti i zjarrfikësve të këtij qyteti njoftoi se po u vinte në ndihmë të plagosurve, “jeta e të cilëve përbën prioritetin numër 1”, thonë ata.

Vlerësohet se në momentin e impaktit në bordin e trenit të pasagjerëve ndodheshin 150 persona. Merbush është një qytezë në rajonin e Renit Verior-Vestfalia, landi më i populluar i Gjermanisë.