Një aksident tragjik u regjistrua pasditen e të shtunës përgjatë aksit rrugor Lezhë- Kakarriq.

Babë e bijë humbën jetën pasi automjeti me të cilin po udhëtonin doli nga rruga dhe u përmbys në një kanal me ujë në afërsi të fshatit Gocaj.

Viktimat te këtij aksidenti mbeten mjeku Anton Keçi, 53 vjeç, dhe vajza e tij studente e Mjekësisë, Bora Keçi, 20 vjeçe.

Ngjarja u zbulua në orët e vona të mbrëmjes, pas denoncimit në oolici të djalit të familjes për humbjen e kontakteve me babain dhe motrën e tij, trupat e të cilëve u gjetën afër mesnatës në automjetin me të cilin ata ishin përmbysur në afërsi të fabrikës së çimentos, në një rrugë dytësore.

Policia bëri të ditur se ne momentin e aksidentiti mjeti drejtohej nga 20-vjeçarja Bora Keçi, e cila dyshohet të ketë humbur kontrollin duke dalë nga rruga dhe përmbysur në kanal.

Në momentin e aksidentit babë e bijë po ktheheshin nga kampi i emigrantëve në Gjadër, ku punonin me kohë të pjesshme. 53-vjeçari Anton Keçi ishte me profesion mjek dhe ushtronte prej vitesh detyrën e shefit të shëndetësisë në burgun e Shënkollit në Lezhë, ndërsa vajza e tij 20-vjeçare studente në Fakultetin e Mjekësisë në Tiranë.

Rendit zhvillimet sipas orarit:
Ora 09:17
Aksidenti në Lezhë i mori jetën mjekut e vajzës së tij/ Mesazhi i Pjerin Ndreut: Humbje që ka tronditur komunitetin

Kryebashkiaku i Lezhës, Pjerin Ndreu, ka reaguar për aksidentin ku humbën jetën mjeku Anton Keçi dhe e bija 20-vjeçare, Bora Keçi. Ai shkruan se kjo është një ngjarje që ka tronditur komunitetin dhe shpreh ngushëllimet për familjarët.

“Një aksident tragjik mbrëmjen e djeshme i mori jetën doktorit Anton Keçi dhe vajzës së tij 20-vjeçare, Bora Keçi, studente e mjekësisë. Një humbje e rëndë që ka tronditur të gjithë komunitetin. Në këto momente të vështira, shpreh ngushëllimet më të sinqerta dhe solidarizohem me bashkëshorten, djalin dhe prindërit e tij. Ngushëllime! Zoti ju dhëntë forcë për ta përballuar këtë dhimbje të madhe”, shkruan Ndreu.

 

P.J/Shqiptarja.com

Ora 08:10
Aksidenti tragjik në Lezhë, 52-vjeçari shërbente si shef shëndetësie në burg! E bija 20-vjeçare vijonte studimet e Mjekësisë

Lidhja e gjakut ishte vetëm një nga të përbashkëtat e Anton dhe Bora Keçit, babë e bijë që humbën jetën në një aksident tragjik në Lezhë mbrëmjen e së shtunës.

Në një postim ngushëllimi të shpërndarë nga Drejtoria e Burgjeve, bëhet me dije se 52-vjeçari ishte shef i Shëndetësisë në burgun e Lezhës, ndërsa e bija 20-vjeçare po ndiqte gjurmët e tij në Mjekësi pasi ishte studente në vitin e dytë të fakultetit.

Anton Keçi ka shërbyer për 6 vite në sistemin penitenciar, thuhet në reagimin e Drejtorisë.

“Me dhimbje të thellë njoftojmë se më datë 25.04.2026, në orët e mbrëmjes, në aksin rrugor Lezhë–Gjadër, në vendin e quajtur Gocaj, si pasojë e një aksidenti tragjik ku automjeti ka dalë nga rruga, kanë humbur jetën Dr. Anton Keçi, 52 vjeç, Shef i Shëndetësisë në IEVP Lezhë, si dhe vajza e tij 20-vjeçare, studente në vitin e dytë në Fakultetin e Mjekësisë.

Dr. Keçi shërbeu me përkushtim për rreth 6 vite në sistemin penitenciar, duke lënë pas vlerësim profesional dhe njerëzor tek kolegët dhe të gjithë ata që e njohën.

Në këto momente të rënda, shprehim ngushëllimet më të sinqerta për familjen, kolegët dhe të afërmit. Jemi pranë bashkëshortes dhe djalit të tij, duke ndarë dhimbjen e madhe për këtë humbje të parakohshme dhe të pazëvendësueshme”, thuhet në postim.

Viktimat punonin me kohë të pjesshme në kampin e refugjatëve në Gjadër.

 

P.J/Shqiptarja.com

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ngushéllime: 26/04/2026 15:26

    Ngushéllime te sinqerta

    Përgjigju
  • LORA: 26/04/2026 13:39

    Hata e madhe per kete familje.

    Përgjigju
  • kola: 25/04/2026 23:59

    rruge pa standarte...sepse duan te vjedhin kryeministri dhe ministrat...=vdekje

    Përgjigju
    • Mhilli: 26/04/2026 08:11

      O Kolo! Jua ka ngulitur në tru krimineli Berisha! veç vjedhje nxjerr nga goja e ndyrë e tijë dhe kundra Shqipërisë.

    • Jari N: 26/04/2026 07:31

      Birbo, Nuk ta kanë fajin rrugët, por ata që japin PATENTAT, se në kohën e Xhaxhit, këto rrugë ishin dhe kursi i shoferit ishte 1,5 vite o mëndje !

  • Sondazhi i ditës: 14 Maj, 10:01

    PS e PD miratojnë rezolutë, besoni se do anëtarësohemi në BE deri në 2030?

Lajme të tjera