Një aksident automobilistik ka ndodhur ditën e sotme në dalje të Librazhdit, në aksin rrugor Librazhd-Prrenjas.

Burime për Report Tv bëjnë me dije se një automjet ka përplasur një këmbësore 63-vjeçare, e cila fatkeqësisht nuk ka arritur t’i mbijetojë plagëve të marra dhe ka ndërruar jetë.

Ndërkohë drejtuesi i automjetit është shoqëruar në komisariat, teksa vijojnë hetimet për zbardhjen e plotë të ngjarjes.