SHKODËR- Errësira vret në Shkodër! Në aksin Shkodër-Koplik,  një rrugë problematike për shkak të mungesës së ndriçimit, një 27-vjeçar ka përplasur për vdekje të grua e cila po udhëtonte me biçikletë. Ngjarja e rëndë ka ndodhur rreth orës 21:20 në zonë të fshatit Shtoj, konkretisht në afërsi të një kompleksi sportiv. Viktima është një grua rreth 35-40 vjeçe, ende e paidentifikuar.

Shoferi 27 vjeç me inicialet G.B. banues në Shtoj është shoqëruar në Komisariat për veprime të mëtejshme procedurale.

Report Tv sjell video nga vendi i ngjarjes, ku shihet mjaft qartë që ky aks është i pandriçuar, duke qenë një nga shkaktarët kryesor të këtij aksidenti tragjikë që i mori jetën një gruaje. Megjithatë, grupi hetimor po vijon punën hetimore për sqarimin e rrethanave të aksidentit.