TIRANE – Një aksident i rëndë i ka marrë jetën një fëmije të vogël pasditen e sotme në rrugën që çon për në aeroportin e Rinasit. Ngjarja mësohet se ka ndodhur rreth orës 17:00 kur një automjet me targa të Tiranës përplasi një fëmijë të moshës 5-vjeçare. Emri i viktimës nuk është bërë i ditur, përveç inicialeve S.D.

Policia ka shkuar menjëherë në vendngjarje dhe ka nisur hetimet për të zbardhur ngjarjen. Mësohet se drejtuesi i mjetit të përfshirë në aksident, Dashamir Kuci, është shoqëruar në polici.

(im/shqiptarja.com)