SHKODËR- Një aksident me pasojë vdekjen është regjistruar në aksin Shkodër-Lezhë gjatë mesnatës të së mërkurës. Një këmbësor është përplasur nga një makinë që drejtohej nga shoferi 31 vjeçar M.P.

Ky i fundit u largua nga vendngjarja dhe arrestimi i tij u bë i mundur vetëm në orët e mbrëmjes së sotme, kur policia njoftoi edhe sekuestrimin e automjetit tip "Peugeot" ku duken qartë shenjat e përplasjes të të moshuarit. .

Grupi hetimor vijon punën për zbardhjen e rrethanave të plota të ngjarjes. 

Rendit zhvillimet sipas orarit:
Ora 20:29
Përplasi për vdekje të moshuarin dhe u largua nga vendngjarja, policia arreston shoferin 31 vjeçar në Shkodër

Një 31 vjeçar është arrestuar nga policia e Shkodrës pasi aksidentoi për vdekje 68 vjeçarin M.P gjatë orëve të para të mëngjesit. 

Në pranga ka rënë K.K, 31 vjeç i cili ka përplasur për vdekje të moshuarin na aksin Shkodër-Lezhë dhe më pas është larguar nga vendngjarja. 

Në vijim të veprimeve procedurale për rastin, shërbimet e Policisë gjetën dhe sekuestruan me cilësinë e provës materiale, automjetin tip “Peugeot” me të cilin ndodhi aksidenti.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

B.V/Shqiptarja.com