Aksident në Lezhë, makina me të cilën udhëtonin babë e bir përplaset nga një mjet tjetër! Ndërron jetë i moshuari, pranga shoferit 19 vjeçar (EMRAT)
Një person humbi jetën dhe një tjetër mbeti i plagosur rëndë pas përplasjes së dy automjeteve në aksin rrugor Zejmen - Tale. Aksidenti ndodhi në oret e para të së enjtes në vendin e quajtur "Ura e Prekanit".
Elvis Hila 29 Qershor 2023, 08:01 | Përditesimi: 29 Qershor 2023, 10:29
Një person humbi jetën dhe një tjetër mbeti i plagosur rëndë pas përplasjes së dy automjeteve në aksin rrugor Zejmen - Tale. Aksidenti ndodhi në oret e para të së enjtes në vendin e quajtur "Ura e Prekanit".
Sipas policisë Geljdis Ndoj 19 vjeç, banues në Kurbin, duke drejtuar automjetin e tij, është përplasur me automjetin e drejtuar nga shtetasi Frederik Lleshi 53 vjeç, banues në Mirditë dhe pasagjer shtetasi Ndue Lleshi 79 vjeç, babë e bir banues në Mirditë.
Nga aksidenti humbi jeten në spital disa ore pas ngjarjes 79-vjeçari Ndue Lleshi, ndërsa djali i tij po merr mjekim në Spitalin e Traumes në Tiranë, ngë ku mësohet se ndodhet nën kujdesin e bluzave të bardha.
Drejtuesi tjetër i mjetit që u përfshi në këtë aksident shtetasi 19-vjeçari Geljdis Ndoj u arrestua në flagrancë për veprën penale "Shkelja e rregullave të qarkullimit rrugor", ndërsa vijojnë hetimet për zbardhjen e plotë të shkaqeve dhe rrethanave të këtij aksidenti.
Rendit zhvillimet sipas orarit:
Ora 10:08
Aksidenti në Lezhë, ndërron jetë i moshuari që u transportua në spitalin e Traumës, në gjendje të rëndë djali i tij! Pranga shoferit 19 vjeçar
I moshuari 79 vjeçar Ndue Lleshi ka humbur jetën në Spitalin e Traumës pasi nuk mundi t'u mbijetojë plagëeve të marra nga aksidenti i rëndë i ndodhur në afërsi të urës së Prekanit në Lezhë. Ndërkohë djali i tij Frederik Lleshi po trajtohet në spitalin e Traumës për plagët e marra.
Policia ka arrestuar shoferin 19 vjeçar Geldis Ndoji i cili akuzohet për shkelje të rregullave të qarkullimit.