Mrekulli në rrugën e Arbrit. Një i ri, i cili ishte përfshirë në një aksident, është gjetur i gjallë pas 3 ditësh. Isa Nurçe, 35 vjeç, nga Maqellara ka qenë duke udhëtuar në drejtim të Tiranës, kur dyshohet se ka humbur kontrollin e mjetit dhe ka përfunduar buzë lumit. 

Ngjarja ka ndodhur në 'Rrugën e Arbrit' në vendin e quajtur Ura e Çerenecit, ndërsa pas aksidentit mjeti ka ‘fluturuar’ për rreth 40 metra nga rruga kryesore dhe ka përfunduar i përmbysur në buzë të lumit, siç shihet edhe në këto pamje që sjell Report Tv.

Mjeti i aksidentuar është gjetur ditën e sotme, 6 qershor, nga kalimtarë të rastit, ndërsa dyshimet e grupit hetimor janë që aksidenti të ketë ndodhur 3 ditë më parë. Kjo për shkak, se i riu ishte denoncuar nga familjarët në polici si i humbur, për shkak se prej tre ditësh babai kishte humbur kontaktet me të.

'Sot me datë 06.06.2025, rreth orës 18.30,  shërbimet e Policisë kanë marrë njoftim se pranë rreth rrotullimit të Shupenzës, është gjetur nga disa banorë të zonës një automjet i përmbysur pranë lumit. Menjëherë shërbimet e Policisë kanë shkuar në vendngjarje dhe nga verifikimet është identifikuar drejtuesi i automjetit shtetasi  Isa Nurçe, 35 vjeç, i cili ditën e djeshme ishte shpallur në kërkim, pasi babai i tij kallzoi se ishte larguar nga banesa.  35-vjeçari, është dërguar për ndihmë mjekësore në spitalin e Traumës', njoftoi policia.

Pasi u nxor nga makina, i riu u dërgua në spitalin e Traumës në Tiranë për të marrë ndihmë mjekësore.

 

S.B/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera