SHKODËR-Një person ka humbur jetën si pasojë e përplasjes së një makine me një motor. Viktima është drejtuesi i motorit Emirjan Kacoli 33 vjeç banues në fshatin Stajkë.
Ai po lëvizte me një motor tip Yamaha kur është përplasur me një mjet tip Benz me targë SH3675E, ndërsa pavarësisht se është dërguar me shpejtësi në spital, ndërroi jetë.
Ngjarja ka ndodhur mbrëmjen e sotme rreth orës 20:40 minuta në aksin Shkodër- Vau i Dejës në fshatin Kaçë. Report Tv siguron pamjet e makinës që përplasi motorin me të cilin po lëvizte 33 vjeçari.
Policia ka shoqëruar në komisariat drejtuesin e makinës me inicialet S. Gj. 17 vjeç pa patente, ndërsa po hetohen shkaqet e aksidentit.
Komento
Komente
Po c'behet keshtu, kur do edukohen keta njerez qe timoni eshte pergjegjesi e madhe? Ngushellime familjes se 33 vjecarit, te behen te forte.
Përgjigju