POP 5

Lajmet më të lexuara të 5 minutave të fundit

Kronikë

Rrëzohet kamioni në bypasin e Vlorës! Mjeti ishte me shpejtësi dhe është përplasur me shkëmbin në anë të rrugës, vdesin shoferi dhe punëtori tjetër (VIDEO)

Dy punëtorë ndërtimi kanë humbur jetën tragjikisht mesditën e sotme në Vlorë. Aksidenti i rëndë ka ndodhur rreth orës 12:00 në kantierin e by-pass të Vlorës, ndërsa paraprakisht dyshohet shkak është bërë shpejtësia e lartë. Viktimat janë 2 të rinj  Armand Beu, 32 vjeç,banues në Kavajë dhe Klajdi Kaja, 28 vjeç, banues në Lushnje

VLORË- Drejtuesi i një kamioni dhe pasagjeri që ishte bashkë me të, kanë humbur jetën, pasi kamioni me të cilin po punon në Bypassin e Vlorës per llogarui te firma BIBA-X, është përplasur anash shkëmbit. Armand Beu, 32 vjeç, banues në Kavajë dhe pasagjeri Klajdi Kaja, 28-vjeç, gjetën vdekjen në vend, ndërsa trupi i 28-vjeçarit, mbeti i bllokuar poshtë inerteve, për rreth 2 orë.

Report Tv ka siguruar pamje ekskluzive vetëm pak momente pasi ndodhi ngjarja, ku shihen dëmet e mëdha që ka pësuar kamioni, e sidomos në pjesën e parme ku ndodheshin dy të rinjtë, ndërsa shkak dyshohet se është bërë shpejtësia.

Mësohet se drejtuesi i kamionit duke zbritur me ngarkesë zhavorri nga zona e Kaninës ka humbur kontrollin duke u përplasur me shkëmbin.

Nuk dihet nëse ka pësuar defekt apo nuk kanë funksionuar frenat, por drejtuesi i automjetit i cili nga frika se mos dilte nga rruga dhe binte poshtë ( humnere) është kthyer në mes të rrugës dhe është përplasur me anën e shkëmbit, por përplasja ka qenë shumë e fortë sa të dy trupat kanë dalë nga xhami i kamionit, por ngarkesa me zhavorr e kamionit i ka mbuluar të dy trupat.

Dy punëtorët, njëri në drejtim të mjetit e tjetri në vend të parë janë mbuluar nga inertet, ndërsa trupi njërit prej viktimave u nxorr dy orë më vonë.

Policia thotë se grupi hetimor ndodhet në vendngjarje dhe  po punon për zbardhjen e plotë të rrethanave të ngjarjes.

Rendit zhvillimet sipas orarit:
Ora 12:56
Kamioni u përmbys në bypassin Orikum-Kaninë, viktima dy djem të rinj

 

Burime për Report Tv bëjnë me dije se dy djem të rinjë janë viktima të aksidentit që ndodhi mesditën e sotme në bypassin e Vlorës, rreth moshë 30-35 vjeç. Njëri prej tyre nga Bubullima e Lushnjës dhe njëri nga Kavaja.

M.Q./Shqiptarja.com

Ora 11:40
Tragjedi me 2 punonjësit në Bypass-in e Vlorës, Report Tv sjell pamjet ekskluzive

 

Report Tv ka siguruar pamje nga Bypassi I Vlorës, vendi i ngjarjes së tragjedisë së paradites së sotme, kur në Vlorë si pasojë e një aksidenti kanë humbur jetën një shofer ka humbur jetën, ndërkohë që punëtori tjetër gjendet nën dhe.

K.T./Shqiptarja.com

M.Q./xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbërori: 16/05/2022 14:15

    Ku gjenden këto lloj rrugësh.?, në Shqipëri apo në Avganistan…???

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Lufta/ Tani në shënjestrën e Kievit janë depot dhe logjistika ruse, por edhe trupat e Penjanit

Lufta/ Tani në shënjestrën e Kievit janë depot dhe logjistika ruse, por edhe trupat e Penjanit

18 Nëntor, 08:05 nga Gianluca Di Feo*