Policia ka arrestuar në flagrancë dy drejtuesit e mjeteve të përfshirë dje në aksidentin në Gjirokastër ku humbën jetën 3 persona dhe mbetën të plagosur 9 të tjerë. Të arrestuarin janë Hasan Dedja, 58 vjeç banues në Tiranë dhe Irfan Hasani. 31 vjeç banues në Gjilan të Kosovës. Këta dy persona akuzohen për ‘’Shkelje të rregullave të qarkullimit rrugor’’.

Çfarë ka ndodhur ditën e djeshme?

Ditën e djeshme në orën 14:00, në aksin rrugor Gjirokastër-Tepelenë, në vëndin e quajtur kryqëzimin i rrugës Mashkullorë, mjeti Nisan me targa ZH 750960 që drejtohej nga Irfan Hasani që lëvizte në drejtim Tepelenë-Gjirokastër është përplasur me mjetin fugon Benc me targa AA760LI që drejtohej nga  Hasan Dedja që lëviste në drejtim Gjirokastër –Tepelenë dhe si pasojë e përplasjes kanë humbur jetën :

 A. H ,38 vjeçe,banuese në Tiranë,e bija D.D, 9 muajshe që ndodheshin në mjetin me targa AA760LI dhe  L. H ,1 vjeç e gjysmë që ndodhej në mjetin me targa ZH 750960 dhe janë dëmtuar  P. H ,26 vjeçe ,H.D, G. Sh, K. Gj 9 vjeç, E.Gj , 13vjeç, L.H 3 vjeç e gjysmë , E. Gj dhe I.H të cilët pasi morën ndihmën mjeksore në spitalin rajonal Gjirokastër u trasportuan për ndihmë mjeksore më të specializuar në spitalin e traumës Tiranë

Materialet i kaluan Prokurorisë së Rrethit Gjyqësor Gjirokastër për veprën penale "Shkelje të rregullave të qarkullimit rrugor" .

Redaksia Online
XH.K/shqiptarja.com