Aksidenti në Puglia, italianët
në garë për të dhuruar gjak

Apeli në media sociale për solidaritet është shndërruar në garë të dhurimit të gjakut për të aksidentuarit nga përplasja e trenave në Puglia. Dhjetëra njerëz të rreshtuar në pritje të dhënies së një ndihme sadopak të vogël, kanë detyruar personelin e spitalit të shpërndajë numra duke u bazuar në momentin e tyre të mbërritjes.

Në mesin e dhuruesve ishin një grup studentësh të Mjekësisë, ‘’ne ishim në bibliotekë, kemi mbyllur librat dhe ja ku jemi, ndërsa disa erdhën sapo përfunduan provimin’’, u shpreh një studente.

Është  i admirueshëm solidarizimi i këtyre njerëzve dhe dëshira e tyre për të kontribuuar sadopak në shpëtimin e jetëve të të plagosurve. Në vendin tonë ndërgjegjësimi për të dhuruar gjak mbetet akoma i ulët për aq kohë sa janë të shumtë personat që detyrohen të paguajnë vazhdimisht që të kenë mundësi të vazhdojnë të jetojnë. 



Redaksia Online
Al.N/Shqiptarja.com