Elbasan/ Arrestohet biznesmeni i transportit urban, falsifikoi dokumentet duke u vjedhur ortakëve

ELBASAN- Është arrestuar biznesmeni, i transportit urban në Elbasan, Agron Xibraku. Arrestimi i tij ka ardhur  pas një hetimi 1 vjeçar, zhvilluar nga Seksioni për Hetimin e Krimit Ekonomik e Financiar dhe akuzohet për veprat penale “Vjedhje duke shpërdoruar detyrën”, “Falsifikimit të dokumenteve” dhe “Shpërdorim kompetencave”.

Ndaj Agron Xibrakës gjykata e Elbasanit kishte caktuar masën e sigurisë 'arrest me burg' në mungesë, ditën e djeshme, ndërsa sot është ekzekutuar urdhri i ndalimit. Sipas policisë nga hetimet e kryera ka rezultuar se Agron Xibraka është administrator i  një shoqërie aksionere  'Gostima 2003' dhe ka falsifikuar dokumente të shoqërisë  duke  vjedhur të ardhurat e kësaj shoqërie në dëm të ortakëve të tjerë.

Ndërkohë po me vendim të Gjykatës është vendosur sekuestro e aksioneve që ky person kishte në këtë kompani. Arrestimi i biznesmenit është bërë gjatë mbrëmjes së sotme falë një aksioni 'blic' të organizuar nga policia e Elbasanit.

Kujtojmë se gjatë verës që lamë pas në kuadër të aksioni Anti-informaliteti goditi nj rast të evazionit fiskal ku si skemë mashtrimi u përdorur falsifikimin e biletave të transportit publik në Tiranë. Në pranga në atë kohë u vunë katër bashkëpronarë të linjave të transportit dhe 4 punonjës të kompanive. 

TAG:
• arrestim
• Elbasan
• policia e shtetit
• aksioni anti-informalitet