Një aksion pastrimi është zhvilluar në Kalanë e Rodonit, një nga pikat më të veçanta të bregdetit shqiptar, në kuadër të përgatitjeve për sezonin turistik veror.

Përmes fotove nga aksionet e pastrimit në disa bashki e qarqe, Ministri i Turizmit, Blendi Gonxhja, ka ndarë edhe mesazhin e tij publik, duke theksuar rëndësinë e ruajtjes së trashëgimisë dhe mjedisit.

“Respekto trashëgiminë. Ruaj mjedisin, natyrën”, shprehet ai, ndërsa bën edhe një thirrje të drejtpërdrejtë për qytetarët:

"Në prag të sezonit turistik veror, kujdesi për këto hapësira merr një rëndësi të veçantë dhe mbetet një përgjegjësi e përbashkët, jo vetëm e çdo niveli e organi qeverisës, e gjithë institucioneve, por e secilit prej nesh, si shoqëri, si organizata e si individë, që kjo pasuri të ruhet, të respektohet dhe të trashëgohet.  Bëhu pjesë e kujdesit: Mos lër mbetje pas teje. Respekto monumentet dhe natyrën. Mbaje pastër çdo hapësirë që viziton" shkruan Gonxhja. 

Ministri thekson se strukturat e ministrisë janë të angazhuara në terren në bashkëpunim me bashkitë, shkollat, prefekturat, ushtrinë dhe organizatat e shoqërisë civile, për të garantuar mirëmbajtjen e zonave turistike.

“Le të kujdesemi sot, që ta jetojmë bukur e ta trashëgojmë nesër”, përfundon Gonxhja.

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Prill, 21:24

    A duhet që seancat në GJKKO të transmetohen live për publikun?

Lajme të tjera