POP 5

Lajmet më të lexuara të 5 minutave të fundit

Kronikë

Aksioni i IKMT, banorët kundër 
vlerës së shpronësimeve ndaj tyre

Prishja e objekteve në zonën e parashikuar për ndërtimin e bulevardit verior të Tiranës, vijuan edhe këtë të martë. IKMT-ja hasi në rezistencën e banorëve edhe këtë herë, për faktin se sipas tyre banesat iu janë vlerësuar me çmime qesharake. Një prej banorëve madje, u ngjit mbi çatinë e banesës së tij, duke tentuar të rezistonte me çdo kusht..  VIDEO
Aksioni i IKMT, banorët kundër <br />vlerës së shpronësimeve ndaj tyre
Prishja e ndërtimeve për projektin e zgjatimit të Bulevardit të Ri në Tiranë nga ana e Inspektoriatit Kombëtar të Mbrojtjes së Territorit, ka bërë që një pjesë e banorëve të mos lejojnë mjetet e rënda që të prishin objektet, pasi ata nuk janë dakord që të kompensohen me vlerën që është përcaktuar.

Shaban Tresa rezistoi duke hipur në çatinë e shtëpisë së tij, por nuk ai doli pasi efektivët e policisë, zjarrfikësit dhe policia bashkiake e zbritën.
Por ai rezistoi ndaj policisë dhe u përplas me ta edhe pas prishjes së banesës.

Kjo bëri që aksioni të ndërpritet ndërkohë që po vijojnë edhe negociatat për rifillimin e punës në këtë zonë. Pas negociatave, pronarët e familjes janë larguar nga pjesa e çatisë së shtëpisë dhe aksioni ka rifilluar për prishjen e ndërtesës.

Sipas Shaban Tresës 72 vjeç, prona është ndërtuar që në vitin 1930 dhe është vlerësuar në vlerën e 30 milion lekëve të vjetra.

Banorët pretendojnë se banesat e tyre nuk janë vlerësuar sipas vlerës reale të banesave në këtë zonë.

Në këtë segment pritet të shemben 28 banesa, ndërkohë që shumë të tjera do të prishen në krahun tjetër të Bulevardit të Ri, ku aksioni i ditëve të fundit është shoqëruar me përleshje mes tyre dhe forcave të policisë. 


  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Analiza e VOA: Demokracia në provë në Evropën Lindore mes akuzave për ndërhyrje nga Rusia

Analiza e VOA: Demokracia në provë në Evropën Lindore mes akuzave për ndërhyrje nga Rusia

25 Dhjetor, 19:34