Aktet për dekriminalizimin, PD:
Hartojmë draftin, askush s'shpëton

TIRANE - Maxhoranca dhe opozita po hartojnë draftin me aktet nënligjore për ligjin e dekriminalizimit.
 
Kryetari i Komisionit të Posaçëm që është në grupin e punës në Kuvend, Oerd Bylykbashi, sqaron se aktet kanë të bëjnë me disiplinimin e vetëdeklarimeve, modelin e tyre si dhe përcaktimin e vendeve për rastet e procedimeve penale ende të pambyllura.

"Në mënyrë specifike bëhet fjale për një vendim të kuvendit i cili do të disiplinojë administrimin e vetëdeklarimeve, do të miratojë kuvendi modelin e vetëdeklarimit dhe do të përcaktojë dhe një listë të shteteve nga ku procedime penale të pambyllura përveç vendeve të BE për shembull do të shërbejnë për të ndërprerë mandatin ose për të penguar dikë që të marrë një funksion publik. Këto janë aktet. Jemi në fazën draftimit. Ai mund të jetë edhe një akt i vetëm që i përmbledh të gjitha", - tha Bylykbashi.