POP 5

Lajmet më të lexuara të 5 minutave të fundit

Kultura

Aktivitetet kulturore/ ‘Shfaqje premierë’ te Teatri i Kukullave, ‘Një letër për stinët’ tek Metropoli

Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit

‘Shfaqje premierë’ do të vijë te Teatri i Kukullave këtë të shtunë dhe të dielën, më 22 dhe 23 mars në orën 10:30.

Koncerti klasik “Trio Italiano di Ance” do të mbahet në teatrin “Zihni Sako” në Gjirokastër më 22 mars në orën 18:00.

Festa “Sokaku i qejfit” vjen në edicionin e saj të parë në Pazarin e Gjirokastrës më 22 mars në orën 18:00. Kjo është seria e parë e një sërë eventesh që fillojnë në qytetin e gurtë me një udhëtim përmes tingujve të kulturës polifonike deri te ritmet moderne që do të gjallërojnë rrugicat historike të Gjirokastrës.

Kartolinë për 65-vjetorin e Cirkut Kombëtar sjell shfaqjen e artistëve të Cirkut këtë fundjavë më 22 dhe më 23 mars në orën 11:00 në Teatrin Kombëtar pranë ArTurbinës në Tiranë.

Shfaqja për fëmijë “Një letër për stinët” do të vihet në skenën e Teatrit Metropol këtë të shtunë dhe të diel, më 22 dhe më 23 mars në orën 11:00.

Një koncert nga Orkestra Simfonike e Radio Televizionit Shqiptar me pjesë nga Beethoven dhe Schuman, nën dirigjimin e Eddi de Nadai dhe me solist pianistin Alessandro Taverna vjen në sallën e madhe të Universitetit të Arteve mbrëmjen e sotme, më 21 mars, në orën 19:00.

“Djemtë Vezullues” do të shfaqet në skenën e Teatrit “Petro Marko” në Vlorë mbrëmjen e sotme, më 21 mars, për të vijuar edhe të shtunën dhe të dielën, më 22 dhe më 23 mars, në orën 19:00.

Teatri “15 ditë prilli” me autore Anisa Markarian dhe regjisore Driada Dervishin vijon të shfaqet edhe këtë të premte, të shtunën dhe të dielën, në orën 20:00, në skenën e Teatrit Kombëtar pranë ArTurbinës në Tiranë.

S.B/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Mars, 10:09

    Sa e dëshironi integrimin e Shqipërisë në Bashkimin Europian?

Lajme të tjera



×

Lajmi i fundit

Thiago Mottas i mbaron koha te Juventusi, klubi e shkarkon! Tudor zyrtarizohet deri në fund të sezonit

Thiago Mottas i mbaron koha te Juventusi, klubi e shkarkon! Tudor zyrtarizohet deri në fund të sezonit

23 Mars, 20:14