Ambasada e Amerikës në Tiranë vlerësoi me çmime 5 persona që me aftësi ndryshe që kanë kontribuar në shoqëri. Vlerësimet u ndanë në kuadër të javës së aktivizimit, që solli në Shqipëri dhe aktorin e famshëm Amerikan RJ Mitte i cili duke treguar problemet me paralizën cerebrale tha se gjithkush mundet.
“Dëgjojmë shumë njerëz që thonë ti nuk mundesh, ti nuk ke për tu bërë. Unë jam sot këtu për të ju thënë se kjo është një gënjeshtër. Nëse ju keni një qëllim, ti mund ta arrish”, tha aktori RJ Mitte.
Ky ishte mesazhi që aktori i serialit të famshëm amerikan Hana Montana, Breaking Bad dhe fitues i disa çmimeve RJ Mitte, dha për personat me aftësi ndryshe në Tiranë, ku erdhi në kuadër të javës ndërkombëtare të aktivizimit, ku u ndanë 5 çmime.
Teksa tregoi sfidat e veta me paralizën cerebrale, aktori hollivudian, tha se mjafton të jemi optimist për jetën dhe gjithçka arrihet.
“Kur po dorëzoheshim, dikush i tha gjyshes sime që të shkoja në spital. Kisha paralizë cerebrale. Kështu filloi rrugëtimi me aftësinë e kufizuar. Unë e shoh sëmundjen si mundësi”, tha aktori.
Në një intervistë ekskluzive për Report Tv, Mitte tregoi edhe projektet artistike të radhës artistike, teksa shpreson se në të ardhmen të ndihmoje njerëz me aftësi ndryshe edhe në Shqipëri, vend që i ka lënë mbresa të mëdha.
“Është hera ime e parë në Shqipëri. Një vend shumë i pasur në histori dhe kulturë. Nuk e dija para se të vija, por tani e di sa i njohur është filmi Hana Montana në Shqipëri. Jam shumë i lumtur për këtë. Unë besoj që vende si Shqipëria, kanë një të ardhur të ndritur, veçanërisht ku bëhet fjalë për fëmijët me aftësi të kufizuar dhe ndërgjegjësimi duhet. Do shkoj në Neë Yourk për të xhiruar në film. Gjithashtu punoj me shumë organizata të ndryshme dhe shpresoj që të kemi një bashkëpunim së shpejti këtu në Shqipëri”, tha aktori RJ Mitte.
Në kuadër të javës së aktivizmit me dhjetëra organizata që kountribojnë në vend për kauza të ndryshme u mblodhën në sheshin Italia, me mbështetjen e Ambasadës Amerikane në Tiranë.
“Këtu flitet për aktivizimin dhe vullnetarizmin që janë vlerat thelbësore të Amerikës. Dhe jam shumë i lumtur që po ndajmë këtë pjesë të kulturës amerikane përmes aktivizimit këtu”, tha përfaqësuesi i ambasadës.
I Ngarkuari me Punë i Ambasadës së SHBA-së, David Wisner në një aktivitet të zhvilluar për Ditën Kombëtare të Aktivizmit, në Tiranë ka përcjellë mesazhin që në frymën e kësaj dite le të vazhdojnë të gjithë të ëndërrojnë për gjëra të mëdha të cilat më pas t’i bëjnë realitet.
“Mendoj se nuk ka një person që mund të jetë zëdhënës më i mirë i aktivizmit se Arxhei, ai ka thyer steriotipet dhe ka ndryshuar mendësi me pozitivitetin e tij përfshirë dhe këtë mëngjes me shkollën e nxënësve që nuk dëgjojnë duke dhënë një performancë të shkëlqyer. Ai është një model që ka dhënë mbrojtur gjithpërfshirjen dhe barazinë dhe shprehur kundër bullizmit. Ai është shumë mirënjohjës Arxheit dhe miqve të tij që kanë udhëtuar drejt Shqipërisë për të festuar e për tu bashkuar me festimet tona e për të ndarë historinë e tij.
Në frymën e ditës kombëtare të aktivizmit le të vazhdojmë të ëndërrojmë së bashku ëndrra të mëdha. Le ta sfidojmë njëri tjetrin për të bërë ato ëndrra realitet që sjellin ndryshime në komunitetet tona. Shpresoj që të lidhemi me ju pë të dëgjuar për sukseset tuaja”, tha ai.
Pas ceremonisë të ftuarit kryesorë do të ecin në këmbë tek Sheshi Italia përpara Stadiumit për të vizituar panairin e aktivizmit.
Lajme të tjera
-
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Stadiumi i ri 'Selman Stërmasi', në janar pritet prezantimi i projektit! Kompania: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19 -
Trafik i rënduar në aksin Tiranë-Elbasan, shqiptarët drejt Pogradecit e Korçës për festat e fundvitit
24 Dhjetor, 15:44 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Tiranë/ 22 vjeçari arrestohet brenda parkingut në QSUT, kapet me rreth 900 gr kokainë! I sekuestrohet municion luftarak në banesë
24 Dhjetor, 11:49 -
VIDEO/ 'Motërq***, b***q, a i çon lekë fëmijës... Hë e more rrogën sot?', Belind Këlliçi dështon sërish, nuk mbledh dot militantë e i hakërrehet policëve
24 Dhjetor, 11:36
