POP 5

Lajmet më të lexuara të 5 minutave të fundit

Ekonomi

AKU asgjëson 147 mijë ton ushqime të skaduara, 21% e bizneseve të kontrolluara u gjetën në shkelje

Mbi 147 mijë ton produkte ushqimore janë asgjësuar nga AKU vetëm në muajit qershor dhe korrik për shkak se ishin të pasigurta për tu konsumuar. Sipas të dhënave të autoritetit 21% e bizneseve të kontrolluara janë gjetur në shkelje të sigurisë ushqimore, pasi kishin probleme me datat e skadencës apo me kushtet higjienike.

Ushqime të skaduara, të pashoqëruara me analizë bakteroligjike të ujit, apo që tregtohen në kushte jo higjienike, gjenden gati në çdo dyqan apo market.

Vetëm në 2 muaj qershor-korrik u asgjësua 147.742 tonë ushqime, kryesisht mish në thertore jashtë kushteve higjieno-sanitare si dhe produkte të bulmetit. Përveç këtyre, AKU, ka asgjësuar edhe 33.500 litra lëng frutash i pakonsumueshëm për shkak të cilësisë së ulët, 600 litra birrë dhe 572 kilogramë produkte të ndryshme.

Në këto dy muaj në total AKU ka kryer 5.471 kontrolle në terren në të gjithë vendin, ku rreth 21% e subjekteve është konstatuar në shkelje, pasi janë dhënë 1.115 masa paralajmërim dhe 1 gjobë 650 mijë lekë. Këtyre subjekteve u është lënë si detyrë të përmbushin detyrimet ligjore dhe të garantojnë sigurinë ushqimore.

Disa nga shkeljet kryesore të konstatuara janë:

- Mungesë rinovimi të librezës shëndetësore të personelit

-Mungesë e rinovimit të analizës bakteriologjike të ujit

-Mospërputhje me kornizën ligjore dhe rregullatore të sigurisë ushqimore

- Mungesë e kushteve higjienike

- Probleme me datat e skadencave të produkteve ushqimore

Në përfundim të këtyre kontrolleve të bëra inspektorët e AKU kanë marrë 767 mostra të produkteve ushqimore të ndryshme në bazë të riskut që ato paraqesin për tu futur në laboratorin e analizave. 

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Me 11 fëmijë, i dëshpëruar dhe i pastrehë! Roberto Carlos fle në ambientet e Real Madrid

Me 11 fëmijë, i dëshpëruar dhe i pastrehë! Roberto Carlos fle në ambientet e Real Madrid

7 Janar, 15:13