POP 5

Lajmet më të lexuara të 5 minutave të fundit

Sociale

Tregu në Fier zero kontrolle! Tregtari: S’na kanë thënë gjë që të mos i shesim pulat

Prej 19 marsit në Shqipëri është konfirmuar prezenca e gripit të shpendëve në vendin tonë dhe qytetarët gjenden të dyzuar nëse duhet të konsumojnë një pulë ose jo.

Autoriteti Kombëtar të Ushqimit (AKU) thotë se ka zbarkuar në terren me inspektime, në tregun e Fierit nuk ka ndodhur një gjë e tillë.

“AKU siguron konsumatorët se ushqimet me origjinë shpendore në treg janë brenda stadardeve të gjurmueshmërise dhe janë të verifikuara nga inspektorët, të cilët janë në terren, tha dje AKU.

Mirëpo, vetë tregtarët për mikrofonin e Report Tv kanë pohuar se deri më tani nuk ka shkuar asnjë zyrtar për kontrolle apo për t’i kërkuar që të mos shesin më. Ky treg i gjësë së gjallë në Fier është i licencuar nga Bashkia. Për gazetarin Kristaq Thano, tregtarët thonë se shitjet rënë për shkak të frikës së virusit, teksa sipas tyre mjafton që t’i shikosh pulat për t’i kuptuar që nuk janë të infektuara.

“Gjithmonë në mars bie sëmundja. Këto janë zogj, po të ishin të sëmura do ishin të tulatura, do ishin të nxira. Ato janë pula, shifi e kanë lafshën flakë të kuqe, po të ishte sëmurë unë s’do e merrja, se s’i kam lekët e tepërta. Veterinerët kalojnë këtu, shohin, po s’ka pula të infektuara. Vjet në qershor erdhën dhe na mbyllën, kot na mbyllën në fakt se sëmundja ishte në veri në fund, njerëzit janë trembet, nuk blejnë shumë, nuk ka asgjë, me mbi 70 gradë të zihen nuk ka asgjë, unë gjithmonë i kam ngrënë, nuk ka asgjë”, tha një tregtar.

“Deri tani s’na kanë thënë gjë që nuk duhet të shesim, mallin e marrim nëpër fshatra, jo nëpër stalla, dikush rrit 100, dikush 150, dikush 50, i marrim dhe i shesim”, tha një tjetër.

“Nga të bindemi ne që kjo pulë nuk është e infektuar? Bëji provën, pula ka prova, nuk ka fjalë”, tha një tjetër tregtar.


Lajmi kryesor:

Gripi i shpendëve/ AKU tha se ka zbarkuar në terren, por në tregje zero kontrolle! Tregtarët: S'na kanë thënë gjë të mos shesim! Vëzhgimi i Report Tv në Fier, Vlorë e Lezhë
B.K./Shqiptarja.com
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça