POP 5

Lajmet më të lexuara të 5 minutave të fundit

Politikë

Akuza e Dumës,reagon MEI:Nuk
është dhënë me konçension, shpifje

Menjëherë pas deklaratës së Grida Dumës nga Partia Demokratike, lidhur me çështjen e hidrocentralit të Skavicës, ka reaguar Ministria e Energjisë dhe Industrisë e cila hedh poshtë këtë akuzë duke deklaruar se hidrocentrali nuk ëhstë dhënë me konçension.
Akuza e Dumës,reagon MEI:Nuk<br />është dhënë me konçension, shpifje
Menjëherë pas deklaratës së Grida Dumës nga Partia Demokratike, lidhur me çështjen e hidrocentralit të Skavicës, ka reaguar Ministria e Energjisë dhe Industrisë e cila hedh poshtë këtë akuzë duke deklaruar se hidrocentrali nuk ëhstë dhënë me konçension.
 
Në një deklaratë të shpërndarë për mediat, kjo ministri thotë se akuza e PD-së për dhënje me konçension të këtij hidrocentrali një kompanie turke është një fabrifkim i radhës i PD-së.
 
Ministria sqaron opininin publik se asnjë prej pretendimeve të Partise Demokratike nuk qëndron dhe se e vërteta është se egziston një proçedurë ligjore që po ndiqet rreptësisht nga Ministria e Energjise dhe Industrisë, proçedurë që siguron transparencë të plotë, konkurencë të ndershme dhe vendimmarrje në interes të shqiptarëve.

Ministria thekson se Partisë Demokratike nuk i intereson e vërteta, por gënjeshtrat që vetë i fabrikon.


Ja reagimi i plotë i Ministrisë së Energjisë dhe Industrisë.
Viti i ri në opozitë nuk kishte si të fillonte ndryshe për Partine Demokratike, përveç se duke lëshuar shpifjen e parë për 2016.
 
Fabrikimi i radhës, sot kishte të bënte me hidrocentralin e Skavicës. Mjaftonte që zonja Duma të kërkonte një informacion pranë Ministrisë së Energjisë dhe Industrisë përpara se të dilte në konferencë, por tashmë jemi mësuar se zëdhënësve të Partisë Demokratike nuk u intereson e vërteta, por shpifja që vet fabrikojnë, vet mediatizojnë e më pas vet besojnë.
 
Sa për fabrikimin e tyre të rradhës, dëshirojmë të sqarojmë për publikun se është krejtësisht normale të publikohen emrat e kompanive të huaja prestigjoze, të cilat në mënyrë zyrtare marrin pjesë në procedura të hapura e transparente koncensionesh apo partneritetesh publike-private.
 
Ministria e Energjisë dhe Industrisë, në zbatim të ligjit nr. 125/2013, “Për koncesionet dhe partneritetin publik privat”, të ndryshuar, dhe vendimit të Këshillit të Ministrave me nr. 576, datë 10.7.2013 “Për miratimin e rregullave për identifikimin, vlerësimin dhe dhënien e koncesioneve për hidrocentralet”, pasi ka shqyrtuar propozimin e ardhur për ndërtimin e HEC Katund i Ri mbi Lumin Drin i Zi, ka bërë vlerësimin përkatës nëpërmjet Oponencës Teknike Shtetërore pranë Agjencisë Kombëtare të Burimeve Natyrore, KESH dhe institucioneve të tjera që lidhen drejtpërdrejtë me këtë projekt.
 
Në përfundim të këtij procesi, bazuar edhe në studimin e kryer nga kompania franceze “SOGREAH”, e kontraktuar nga qeveria shqiptare pikërisht për të vlerësuar potencialin hidroenergjetik të lumit “Drini i Zi”, Ministria e Energjisë dhe Industrise e ka vlerësuar projektin me një bonus (sipas legjislacionit në fuqi) prej 8 pikësh, vlerësim i miratuar nga Këshilli i Ministrave në mbledhjen e tij të datës 23 .12.2015.
 
Me hyrjen në fuqi të këtij vendimi, Ministria e Energjisë dhe Industrisë do të vijojë me hapat e mëtejshme proceduriale të përcaktuara në Ligjin nr. 125/2013, “Për koncesionet dhe partneritetin publik-privat”, të ndryshuar. Këto hapa përfshijnë hartimin e dokumentacionit standard të procedurës konkuruese (ToR), publikimin, vlerësimin e ofertave të mundshme dhe në rast të një procedure të suksesshme, negocimin e kontratës.
 
Siç shihet qartë, asnjë prej pretendimeve të Partise Demokratike nuk qëndron. E vërteta është se egziston një procedurë ligjore që po ndiqet rreptësisht nga Ministria e Energjise dhe Industrisë, procedurë që siguron transparencë të plotë, konkurencë të ndershme dhe vendimmarrje në interes të shqiptarëve.

Redaksia Online
(F.T/shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Pesha e padurueshme e diktaturave! Kur të zhveshurit ishim ne!

Pesha e padurueshme e diktaturave! Kur të zhveshurit ishim ne!

5 Nëntor, 20:12 nga Alba Malltezi