Akuza e fortë e Nokës: Ja çfarë
ndodhi pas paktit Rama-Tahiri

Deputeti demokrat, Flamur Noka, ka hedhur dyshime të forta për nënshkrimin e një pakti mes kryeministrit Rama dhe ish-ministrit Tahiri. Noka shprehet se vetëm pas këtij pakti, ku ish-ministri nën akuzë ndërkombëtare për trafik droge nuk e merrte me vete në pusin e thellë të drogës e parave të pista, Rama u shfaq në publik.

Duke komentuar ngjarjen më të bujshme të ditëve të fundit, akuzat mbi përfshirjen e Tahirit në trafik droge dhe kërkesën e Prokurorisë për arrestimin e tij, deputeti i PD shkruan në ‘Facebook’ se kryeministri u fsheh për katër ditë në errësirë, në ethe, duke marrë e dhënë mes kupolës mafioze të vendit, dhe sipas tij, duke iu treguar të gjithë shqiptarëve se cili është narko-shteti që kishim 4 vite.

Postimi i plotë i Nokës:
4 ditë u fsheh, nuk e pa njeri ku kishte futur kokën, jepte e merrte me Tahirin, i çonte emisarë e ndërmjetës, dhe pasi nënshkroi paktin me të, paktin ku ish-ministri nën akuzë ndërkombëtare për trafik droge nuk do e marrë me vete në pusin e thellë të drogës e parave të pista ku janë zhytur bashkë, e bashkë me të dhe shumë ministra e familjarë të tij, vetëm pasi u sigurua që Tahiri sdo flasë, dhe pasi Tahiri mori mbrojtje prej tij duke mos lejuar prokurorinë të bëjë punën e saj, Edi Rama u shfaq në publik.

4 ditë në errësirë, në ethe, merr e jep mes kupolës mafioze të vendit, këto 4 ditët e fundit kanë treguar për cdo shqiptar, për të madh e të vogël, se cili është narko-shteti që kishim në 4 vite.

Dhe kush ishte në krye të këtij narko shteti? Ai u denoncua vetë faqe gjithë botës. Ishte ai që u zhduk në këto 4 ditët e fundit ku të palarat dolën në shesh. Që nuk ia pa askush fytyrën. Mori garanci nga Tahiri që sdo flasë për përfshirjen e tij direkte, që sdo përdorë prova, filmime e fakte që ai i ka për të, për ministra e për olsa, dhe pas kësaj u shfaq me predikimin e zakonshëm, dhe sulmin ndaj opozitës.

Edi Rama është i vetmi që i merr shqiptarët për budallenj, sikur nuk e kuptojnë cfarë ndodhi.

Pse u zhduke këto 4 ditë?

Ku ishe futur?

Cfarë ka Tahiri për ty, që të bëri të fshihesh në skuta të errëta?

Por nga ana tjetër, për shqiptarët u bë e qartë gjithcka;

Ti zgjodhe Tahirin, përpara drejtësisë italiane, përpara partnerëve ndërkombëtarë, përpara drejtësisë shqiptare.

Ti zgjodhe Tahirin përpara qytetarëve shqiptarë, edhe pse i faktuar me mijëra faqe nga drejtësia italiane si i përfshirë direkt në trafik droge. Ti zgjodhe kupolën mafioze, paktin me krimin, dhe jo të ardhmen e vendit.

Pse e bëre këtë zgjedhje???Shumë e thjeshtë; sepse zgjodhe për të mbajtur edhe ca kohë pushtetin. Rruga tjetër, lëshimi i Tahirit, lënia e drejtësisë të funksionojë, ishte tatëpjeta jote, fundi më i keq, më dramatik se cdo ankth që ke përjetuar këto 4 ditë.

Kjo që zgjodhe, është rruga më e shkurtër, por jo më e sigurta. Edi Rama ka fituar vetëm pak kohë. Por fundi eshte i afert....Tashme nuk ka zgjidhje tjeter vec rrezimit te tij ..

(Postimi i Flamur Nokës në facebook)

d.c./shqiptarja.com